ديوان الشاعر محمد جار الله السهلي _. . . | زحف الشعب السعودي | . . .

من طرف **وليف الروح** الخميس أغسطس 26, 2010 12:47 am

ما احد ٍ يحب القصايد كثر شاعرها !

لا يـطـوّل سكـوتـك ولا يـطـوّل سـكـاتـي تـــرى الـدعــاوي بـسـيـطـه لا تـكـبّـرهـا
خـلـك عـلـى خـبـري وظـنـي وهـقـواتـي خابـرنـي الـضـيـق والضـيـقـات خـابـرهـا
وسّــع لــي الـبـال يــا سـيّـد طموحـاتـي ولا تغـيّـر النـظـره الـلـي كـنـت تنـظـرهـا
تقـول : حــب البـشـر طــوّق مسـاراتـي ؟ ابــك انــت حـبـك مسـاراتـي يسـيّـرهـا !!
ان غـبـت عـانـت عيـونـي مــن معانـاتـي وذكـــرك يصـبّـرنـي وطـيـفـك يـصـبّـرهـا
لا يــا بـعـد شهـرتـي واعـظـم نجاحـاتـي وكـل القصايـد مـن ابسطهـا ليـا اشهرهـا
ولا يــا بـعــد مـــن يـــدوّر لانكـسـاراتـي شعّـار سبـب وجـودي ضـيـق خاطـرهـا !!
انـت اجمـل اللـي تسـجـل فــي سجـلاتـي ان جيت : وين البشر ؟ وان رحت : مكثرها
يــا اوّل وآخــر قصـيـدي وآروّع ابيـاتـي مـحـدٍ يـحـب القصـايـد كـثــر شـاعـرهـا !!
مــا فــاق حـبـي لـــك الا حـبــي لـذاتــي يـعـنـي احـبــك مـحـبّـه مــــا اتـصـوّرهــا
يا اصدق مـن النشـوه اللـي فـي بداياتـي لا قلـت لـي كـم بـيـت .. وقـالـوا انشـرهـا
واغلـى مـن الدمعـه اللـي كــل صدمـاتـي تطـلـب يدييـهـا !! واحـجّـرهـا ولا انـثـرهـا
وآحــن مـنــي عـلــيّ ان شـفــت زلاّتـــي الـقــاك بـررتـهـا لــــو صــعــب ابــررهــا
واطـهـر حكـايـة محـبّـه فــي حكـايـاتـي مــن قـبـل لا عيشـهـا حسّيـتـك اطـهـرهـا
لا تلـومـنـي لا بـديــت آخـــاف وآحــاتــي كــل حـاجـةٍ غالـيـه مـــا ودّي اخـسـرهـا
ولا تـضــايــق لــيـــا كــثّـــرت جـيّــاتــي ضيّـعـت فـيـك السنـيـن وجـيــت ادوّرهـــا
تــعــال رتـبـنــي ورتـــــب حـسـابـاتــي او تـدري شلـون ؟! رتبـنـي و بعثـرهـا !!
مـو مشكلـه لـو تصـيـر اطــوّل مسافـاتـي المشـكـلـه لابــديــت احــسّــك اقـصـرهــا
اكـبـر عيـوبـي : بديـتـك مـــن نهـايـاتـي واكبـر عيوبـك : لقـيـت اوّلــك بآخـرهـا !!
يـا مكتـشـف عالـمـي واقــدم حضـاراتـي حــرام كـسـر الخـواطـر بـيـد جـابـرهـا ؟!
مـدام تـقـدر عـلـى الـلـي فــوق قـدراتـي لا تـذخـر الفـزعـه الـلــي قـلــت ذاخـرهــا
رجعـنـي لوقـتـي او رجـعـلـي اوقـاتــي عامـيـن تنـطـرنـي .. وعـامـيـن نـاطـرهـا
وتـقـبــل الــــود والـشــكــر وتـحـيـاتــي يـا سـاكـن الــروح والــروح ومشاعـرهـا
وروّق وركّـــز وحـــاول تـفـهـم الآتــــي: فـكــره تـأكــد قـلـيـل الـلــي يـفـكـرهـا
لــو ان غـيـري مـعـاك يـسـوي سـواتــي قلـت : انـت نعـمـه وهــو عـاجـز يقـدّرهـا

(( لانويت تحب غيري طالبك & لاتحبه كثر ماحبيتني )))

ليت لي حيله واجي واحتـال بـك وليت ما قلـت بحياتـي ليتنـي !!

يابـري حالـي ليامـن مــال بــك التـغـنّـج والـدلــع .. لا جيـتـنـي

دوم احـس انــه نعـاسـك غالـبـك معنّي رموشك ! وانـا عنّيتنـي !

بس .. ذا المره ما طاب الفال بـك جـيـت ولــدرب الجـفـا حديتـنـي

لكن اسمع شاعرك وش قال بـك دام صبت اللـي تبـي واخطيتنـي

الـغـلا حـقـك ! ولانــي سـالـبـك ابـسـط حقـوقـك ولــو مليـتـنـي

شوف عيني يوم دمعي سال بك ضمـتـك حـتـى ولـــو ابكيـتـنـي

وانت رغم اني شغلت البـال بـك سلت مع دمعـك ولا ضميتنـي ؟!

كــان بــه شــي ٍ علـيّـه قالـبـك بـطـلـبـك حــاجــه اذا خلـيـتـنـي

لانويـت تحـب غـيـري .. طالـبـك لا تحـبّـه كـثـر مـــا حبّيـتـنـي !!
(( حفل الجلاّل ))

يالله ثبتـنـي .. عـلـى درب الـهـدايـه والـهــدي واغفـر ذنـوب ٍ فـوق متنـي .. كـل يـوم أشلهـا
اسألـك حسـن الخاتمـه لا جـات لحظـة موعـدي وأعـوذبـك مــن شــر بقـعـا والـصـدور وغلـهـا
واليا اجتهدت بماقفي طالبـك لا يضيـع جهـدي واسـألـك تمنعـنـي مــن الـزلـه قـبـل لا ازلـهــا
وتعيـن رجلينـي بطاعـة شايبـي علـى العـدي وتـزرع محبـة خدمتـه فـي خافقـي .. وأجلـهـا
فإن طبت في خدمة ابوي اشوف طيبي بولدي مثـل .. مثـل .. مـا هيـب لحيـة ليتـهـا يــا علـهـا
وانك تثبتني .. على نهج المراجل لا .. غـدي !! حنـا بزمـن !! فـيـه الـرجـال الوافـيـه يــا قلـهـا
فالرجـل لـولا الديـن والاخـلاق والـكـف الـنـدي مـا كنـه الا الشجـره الـلـي مــا يظـلـل ظلـهـا !!
والشاعـر ان مـا راوده الاحسـاس بانـه مبـتـدي يعمـي الغـرور عيونـه ويكشـف عيـوبـه كلـهـا
وانا اعتبرت الشعـر دمعـه تسكـن براحـة يـدي ألـيـا حـزنـت أهلـهـا .. وألـيـا فـرحـت أهلـهـا
واليوم هذا غير !! كن الشعر فـي كـل جسـدي لا جف ريق أعـذب بحـور الشعـر !! جيـت أبلهـا
وفي مدحكم يا أهل الحفل يطيب موال الشدي ومـن شانكـم تتسابـق بيوتـي عـشـان أهلـهـا
انـا انشهـد الجـلاّل مـا فيـهـم ضعـيـف ولا ردي لـهـم مـكـانـه تـبـطـي الـردّيــان مـــا تاصـلـهـا
لـو كـان مـا فينـا عضـو ولا وزيـر ٍ فـي بـلـدي مــن طيبـهـم نعـقـد حـبـال الواسـطـه ونحـلـهـا
ونيابـة ً عـن الـرجـال الـلـي كرمـهـا سـرمـدي الـلـي جمعتـنـا فــي ضيافتـهـا وفــي محلـهـا
يـا مرحبـا ترحيبـة ٍ مـن بيـشـه إلـيـا الاحـمـدي بالـلابـه الـلـي سجـلـت كــل الـشـرف بسجلـهـا
سهـول ولاّّ سبيـع ولاّ سهيـل وأخــوه الـجـدي ألا الـوكـاد ان كلـهـم واحــد وانــا فـطـن لـهـا
فالجد ولا فالمكانه .. فوق .. فوق .. ومقصـدي عيينيـن فـي راس .. وقلـوب الحاقـديـن نعلـهـا
نطّـاحـة القـالـه هــل الطـالـه كـعـام المعـتـدي صفـوة رجـال اللـي حكـم شبـه الجزيـره كلـهـا
مثـل السحـاب اللـي تـرزم واسبـل وهـلّ بـردي نـارد عـلـى حــوض المنـيّـه والسـيـوف نسلـهـا
حتيييش لو درب العُلا صلـف وصعيـب وجرهـدي الله خـلـقـنــا لـلـصـعــاب ولـلـقـمــم نـحـتـلـهــا
إليـا رضينـا .. نـفـرش الدنـيـا بـسـاط ٍ أحـمـدي وإليـا زعلـنـا .. تبـكـي عـيـون الخليـلـه خلـهـا
والـلـي يـبـي يفـلـح يقـلـدنـا وفـيـنـا يـقـتـدي يعـمـل عمايلـنـا إذا هــو قـدّهـا كـفـو ٍ لـهــا !!
حنا شرحنا للبشر معنـى ( سنافـي واجـودي ) هــذا طـريــق المـرجـلـه يـالـلـي تبـيـهـا دلـهــا
قـوم ٍ لنـا فـي صفحـة الأمـجـاد تـاريـخ ٍ مــدي سـلايــل ٍ تغـنـيـك دق فعـولـهـا عــــن جـلـهــا

(( أصـعـب سـؤال ))

( اصعب سؤال ) اللي جوابه للأسـف مثلـه ( سـؤال ) !! ما هو تفلسف !! الا موقف صار واسمع " ثاني بيت" :

.
البارحـه يومـه سـأل : ( وش ذكـرك ذيــك اللـيـال ؟ ) كان الجواب بكل بساطه : ( من متى اصـلا نسيـت ؟ )

.
ادري بان جمع ( الصعوبه والبساطـه ) شـي محـال !! لكنهـا صـارت كـذا ! والـلـي (( اهــم )) انــي دريــت :

.
ان الـحـيــاه فـبـعــد احـبـابــك اذا جــــف الــوصــال اتعيشهـا لـو تقتنـع انـك خـلااص اصبـحـت ( مـيـت !!)

.
يــا صاحـبـي لــو كــل شــي يـمـر بالخـاطـر يـقــال مــا كـانـت الـعـبـره تولـجـنـي اليـامـنـك طـريــت ؟!

.
شفني قدرت احبس دموعي بس ( دمـع القـاف ) سـال ويـا كبرهـا ساكـت ولكـن داخـل اوراقــي بكـيـت !!

.
عمـر الحكـي مـا كـان دافـي لاابتـدى بقـولـة تـعـال لـجـل اتجـاهـل رجـفـة حـروفـي اليامـنـي حكـيـت ..

.
الـحـال فــي بـعـدك قـسـم بالله مــا اسـمـيـه حـــال انوي على الضحكه واحس كلي خطـا لانـي نويـت ؟!

.
اتـصـور انــك مــن رحـلـت اشـوفـك لجسـمـي ظــلال لا شفتـه امشـي ببتعـد واثـره معـي مهمـا مشـيـت !!

.
مــدام يعـنـي فــي بـحـرك لفرحـتـي مـلـيـون جـــال وش فيه موجك ما ركد ؟ قربت اموووت وما رسيت ..

.
يرضـيـك مــا عــادت مـعـي تـفـرق اذا جـالـك مـجـال لانـي اقتنعـت انـك نهايـه وانـي ببطـي مـا بـديـت !!

.
صـرت ( اعقـد حجاجـي ) اذا جابـوك باطـراف الجـدال وانـا قبـل لاقالـوا اسمـك كنـي : ميـت ثــم حيـيـت!؟

.
تعـبـت اعـيــش الـــدور وافـتــح للمـعـاذيـر الـخـيـال واتخيـل انـي جـيـت فــي بـالـك وبـانـك استحـيـت!!

.
وتردلي كلك (( ولـه )) وتقـول : ( كـن البعـد طـال ؟ ) ومن الفـرح مـا عاتبـك واقـول : ( ياخـي مابغيـت !! )

.
حـتـى وانــا تخـيـل حشمـتـك ! لــن قلـبـي لا يـــزال يـكـرر اسـمـك داخــل اعمـاقـي بنبـضـه لا سـهـيـت..

.
قلـي شسـوي فيـك ؟ وانـت بداخلـي اصــدق مـثـال للحـب واحسـاس القصيـد ان عـانـق اللـيـل وسـريـت..

.
ربــي يصبـرنـي عـلـى الفـرقـا مـــدام الـحــظ مـــال وانـت بيجيلـك يـوم تعـرف ليـه فـي بعـدك شكيـت !!

.
واذا بــلاك الله وعـذبـك اشتيـاقـك (( بـــس تـعــال )) واقـرى القصايـد فـي غيابـك كلبوهـا بيـت ... بـيـت

.
بتدرى ان ( اصعب سؤال ) اللـي يجـي رده ( سـؤال ) لا قلتلي ( وش ذكرك ؟ ) ثم قلتلـك ( متـى نسيـت ؟ )
(( مرثية الشيخ جابر الاحمد الصباح .. طيب الله ثراه ))

الـمـوت مــوت القـلـب ودمــوع الاعـيــان تـوّصــل الإحـســاس بـأصــدق وسـيـلــه
والشعـر بـوح الصـدر والشـاعـر أحـيـان مـايـدري بـحـزنـه ســـوى طـــول لـيـلـه
ومـن طـول ليـل البـارح وثـقـل الاحــزان عـرفــت وش مـعـنـى الـلـيــال الثـقـيـلـه
مـا والله اصـعـب مــن شـعـورك بفـقـدان الــلـــي مـعـلـمــك الـحــيــاه الـجـمـيـلـه
الا انــك تـحـاول تتـرجـم عـلـى (لـســان شـعــرك) مـشـاعـرك الـجـسـام العلـيـلـه
وشلـون اغـنـي لا نـشـف ريــق الالـحـان وشـلــون ابـكـتـب والـمـعـانـي بـخـيـلـه
فـي مـوت امـيـر قـلـوب ومعـلّـم اذهــان وريــــث مــجــد آل الـصـبــاح وسـلـيـلـه
مـفـنّـي حـيـاتـه بـالـمـكـارم والإيــمــان الـعــادل الـلــي راح مـــا بــــان مـيـلــه
حـتـى خـبـر مـوتـه قـبــل صـــوت الاذان كــنــه يصـحّـيـنـا لـكــســب الـفـضـيـلـه
يـــا جـابــر الـعـثـرات والـدمــع هــتّــان لــيــت الــدمــوع تــــرد خــــل لـخـلـيـلـه
يــا سـيـدي مــت ومـعـك مــات نسـيـان طـيـبـك وقــــدرك والـفـعــول الجـلـيـلـه
غـبـت وبـقـيـت لطـيـبـة الـقـلـب عـنــوان وغـبـت وتـركـت الـخـيـر يـفـقـد عمـيـلـه
وغبت وحكت (الابراج) عن حزن (دسمان) وسيّـل دمـوع (السِيـف) حـزن (المسيـلـه)
ورغـم اختـلاف الشعـب بعـروق واديــان فـــي حــــب جــابــر كـلـبـونـا قـبـيـلـه
ابـــو اليـتـامـى والأرامـــل والإحــســان راع الـجـمـايــل والـيـمــيــن الـطـويــلــه
مـــن طـيـبـه بشـعـبـه تمـنـتـه الاوطـــان يـــا كـثــر مــــن ودّه بـحـاكــم مـثـيـلـه
وان قـارنـوا مــا بـيـن ذربـيـن الايـمــان تــفــرق يـمـيـنـه بالـعـطـايـا الـجـزيـلــه
ويـوم انطعـن مــن كــف غــادر وخــوّان ســوى الـســواه الصـعـبـه المستحـيـلـه
قــام الشـجـاع وعـدّهـا كـبـوة حـصــان واحـيّــا بـلــد كـانــت خـــراب وقـتـيـلـه
يــا عـــلّ قـبــره روض جـنــه وبـسـتـان وعـسـى كتـابـه فـــي يمـيـنـه يشـيـلـه
وعسى العوض في أميرنا عالي الشـان ويجـبـر مـصــاب قلـوبـنـا فـــي بـديـلـه
ونـبـايـعـه بـالــحــب قــايـــد وربّـــــان دام الاصــيــلــه لـلـشــيــوخ الاصــيــلـــه
وتبقيـن يـا كويـت الرخـا عـبـر الازمــان درة خــلــيــج ودار خـــيـــر وفـضـيــلــه

اسبـــــــوع

أسبوع مـرّ !! ولاوصـل منـك مرسـال ياقوّ قلبك كيف تقطعني أسبـوع ؟!

الجـوع كافـر ! وانـت ماترحـم الحـال وانـا عليـك مــن الـولـه مـيـت ٍ جــوع

ياللي غيابك صعب يطري على البال تركتـنـي ضـايـق وحـايـر ومفـجـوع

ماكـنّـي الا: شـايـب ٍ فـاقــد عـيــال وماكنـك الا: محـرّم ٍ حـق مـشـروع !!

يفـوع لــك قلـبـي لـيـا مــر الاطــلال ياليـت مالـي قـلـب يشـتـاق ويـفـوع

حسبي عليـك شلـون قطّعـت الآمـال بآآآمـوت لاصـار الامـل فيـك مقطـوع

ياصـاحـبـي مـاكــل نـــزّال رحّــــال انت الحيّا مـن ويـن مارحـت متبـوع !!

نسيـانـي لــزول ٍ بالاعـمـاق يخـتـال اصعب على صاحبك مـن حبـة الكـوع

لـو الثمـن فـي شوفتـك عمـر رجــال كان الثمن من يوم ماغبـت مدفـوع !!

ولـو القـدر مــا تــم قـولـه لـيـا قــال ماضاق صدر ولا انحنـى راس مرفـوع

ياصاحبـي عشقتنـي فعـل وخصـال وانا عشقتك شعر واحسـاس وطبـوع

وشلون تتركني كـذا لا اشهـب الـلال وقدّام عيني تجف ينبـوع .. ينبـوع !!

وانـا عشانـك جـيـت والغـيـم هـمّـال اسـيّــل الـوديــان واداحـــم جـمــوع

مـاردّنــي عـنــك سـوالـيـف عــــذّال تزعـل علـيّ ربـوع وتـقـدّر ربــوع !!

كـان المهـم اعيشـك جنـون ووصـال ويكون لي كلمـه ولـي راي مسمـوع

واليوم ضاقت بـي مـن الجـال للجـال فرقـاك تقصـم ظـهـر وتـحـز وتـلـوع

لو جيت شفـت الحـال ماسـرّك الحـال في غيبتـك ضايـق وحايـر ومفجـوع

هذا غيـاب اسبـوع وشلـون لـو طـال طالبك .. لايطوّل غيابك عن اسبـوع !

مرحبا جوزيف كيف الحال يالله حيّـه !!

مرحـبـا جـوزيـف كـيـف الـحـال يالله حـيّـه ولا تكلمني ( انجليزي ) يا الفتى النصراني

.
قـوم كنـسـل مـوعـد الدكـتـوره السـوريّـه ماهـي بلحـيّـة مواعـيـد وعــلاج أسنـانـي

.
أجّـلــه 100 ســنــه أو أشـطـبّــه مـولـيّــه موعـدي حـفـل ٍ عشـانـه لابـتـي تنخـانـي

.
وان ضــرب عــرق الحمـيّـا تـرقـص الجنـيّـه شـي مـا تستوعبـه يــا الجنـتـل اللبنـانـي

.
واسـلـم وسـلـم عـلـى المزيـونـه الـحـوريّـه ولازم تـرجـع ( فليـسـاتـي ) ولا تنـسـانـي

.
بـكـره ان شــق الــزراق وغـنــت القـمـريّـه لـو تـدور الارض طـول وعـرض مـا تلقـانـي

.
يــا حـلـو هبـايـب الغـربـي مــع الفـجـريّـه صفـقـهـا بشـمـاغـي وتكـيّـفـهـا ربّــانــي

.
انـحـر الـخـط الجنـوبـي وافـهـق الطـاقـيّـه وابـدع بيوتـي واغنـي وانطـرب لالحـانـي

.
ليـن اوقـف قـدم بــاب ( منـسـم الشرقـيّـه ) الله يعـافـيـك يـــا ( مـدغــم ) ولا يـبـلانـي

.
قــوم يالـلـي مـنـزلـك مـابـيـن ذيّ و ذيّـــه احزم امتعتك وصحّصـح واستريـح اوزانـي

.
وغـن يـا اعظـم شاعـر ٍ بالكـوره الارضـيّـه والله انــي للقـصـيـد العـالـمـي شفـقـانـي

.
اسـمـع بيـوتـك واكـيّـم واسفـهـه الـدوريّـه معـك احـس ان القسايـم دفعـهـا مجـانـي !

.
لعنـبـوا مــن لا يـعـدّك ( شـاعــر الألـفـيّـه ) يـا أمبراطـور القصـيـد وسـيّـده بأعيـانـي

.
وان وصـلـنــا حـفـلــة الـكـلـيّـه الـحـربـيّــه قلت بسم الله وما شـا الله علـى مـا كانـي

.
وقّـفـوا قــدام عيـنـي يــا الاســود الحـيّـه واسمعوا آخر قصيد ( الشاعـر الزقعانـي )

.
يــا فـخـر كــل القبيـلـه فكـرتـي عـفـويّـه أي شــي يـمـر قلـبـي بنـطـقـه بلـسـانـي

.
انـتـوا ظـبــاط الـشـمـوخ وللـفـخـر مـاريّــه ومجدكـم ماهـو بأيـة مجـد يـا الشجعـانـي

.
وصفحـة الامـجـاد مـاهـي صفـحـةٍ مطـويّـه سجـلـوا مـجـدٍ جـديـد وسجـلـوا عـرفـانـي

.
للرجال اللي استحقـوا النجمـه ( الخمسيّـه ) تـرفـع الـــراس وتـبـيّـن هـيـبـة الامـتـانـي

.
والـــولا مـاهــو جـديــد وداركـــم محـمـيّـه تحـت ظـل اخـوان نـوره مكرمـيـن العـانـي

(( كلّها ساعتين !! ))

ألا انت سولف لي عن احوالـك وخـل عنـك القصيـد يعني وش اللي في غيابـك راح اقولـه واكتبـه ؟

شعري .. على حطة يدك !! في غيبتك ما من جديد البيـت مـن قـبـل اكتـبـه .. افـكـر انــي اشطـبـه !!!

دامـــك تـعــرف ان الـشـعـر لا يقـنـعـك ولا يـفـيــد استوعـب حضـوري ! وهـو انسـآآه لا تستوعـبـه!

ركـــز مـعــي .. الله يـرضـالـي عـلـيـك ولا تـزيــد الـهــم هـــم .. وعـدّنــي ضـيــف ٍ نـويــت تـوّجـبــه

مـا ابيـك مـن بعـد الجفـا ترجـع لـي بقـلـب ٍ بلـيـد حسسنـي بشوقـك ! ودمعـك مـن عيونـك اسكبـه !

ضيّعني بشهقة بكاك .. وجيب فينـي ألـف عيـد !! بحـكـيّـك الـلــي حـافـظـه ولا عـرفــت تـرتـبــه !!

هـي كلـهـا هالساعتـيـن وعقبـهـا ببـقـى وحـيـد لا تشـح بشعـورك عـلـي ّ ولا اتـمـادى !! وانتـبـه :

لا شفتني سجيت ( عنك / فيك ) جوّدني من ( إيـد قلـبـي ) ووصـلـنـي لقـلـبـك بـرضــاه او اغـصـبـه

هذه سنه ! ان ما سكنت القلب ! مسكنـك الوريـد ! ونفس السنـه مـرت ! وحقـي فيـك ضايـع واطلبـه

يــا آدمــي مــدام نظـراتـك باحاسيـسـي تشـيـيـد لا تترك ( اسألتي ) تمـوت ولا لقـت بـك ( أجوبـه )

ليه انت راضي بالعناد ؟ وبالرضى تصبح عنيد ؟ ليـه اتساهـل بالجفـا ؟ ليـه الـوصـل تستصعـبـه ؟

وليه اتمنى الموت فـي بعـدك واحـس انـه بعيـد ؟ وليه اشعر ان الموت في لحظة وصولك ما اقربه ؟

وليه اعتبر نفسي إذا ذبحني شوقـي لـك شهيـد ؟ ولا انـت حتـى الـشـوق لا ردك عـلـيّ تستغـربـه !!

جاوب وريحني !! أو انسى كل شـي .. ولا تعيـد : سؤالـك عـن شعـر ٍ شطبتـه مــن قـبـل لا أكتـبـه !!

(( * ( الياسميـــن ) * ))

أي والله انــي ضـايـق ومـرهـق ومـخـنـوق وحـزيــن وإمــا بـمـوت مــن الـولــه ولا بـمــوت مـــن الـقـهـر ..

والـلـي لـعـب فــي حسـبـة ايـامـي وخـلاّهـا سـنـيـن إني على ذا الحـال يـا شعـري لـي اكثـر مـن شهـر !!

بعـت ( المدينـه ) لجـل ( عيـن ) وقالـوا الخافـي يبـيـن ودفنتـك ( بجوفـي ) وقالـوا وش بقابـك مــا ظـهـر ؟!

يـا مطـوّل الغيبـه يـا طـول الشـوق .. مـيـر الله يعـيـن العـاشـق الـلـي عــاش ظـامـي بـيـن عــدّك والنـهـر .!

عيّـدبـي غـيـابـك ( سـنــه ) واللـيـلـه مـــن العـايـديـن ولا عـاد عيـدك يـا الجـروح اللـي بقلبـي مــن دهــر ..

يـا صاحبـي لــو تعـتـذر عــن غيبـتـك عــذرك سمـيـن حبـك بعـد مـا غـبـت عــن عيـنـي تـمـادى وازدهــر ..

مـن يـوم شفتـك ( والنعـاس ) بعينـك النجـلا ( سجيـن ) ومـن نفـس ذاك اليـوم و عيونـي ( سجينـه للسـهـر ) !!

علقـتـنـي بالضـحـكـه الـلــي تـسـبــق .. الغـمـازتـيـن وتركـت لـي شاعـر !! كتـب فيـك القصايـد واشتهـر ..

سيّـلـت دمـعـك واسـتـبـاح الـدمــع سـتــر الياسـمـيـن وعلمتـنـي كـيــف الـنــدى يـجـمّـل خـــدود الـزهــر !!

ليـتـك عـقـب مــا غـبـت غيّـبـت اشتيـاقـي والحـنـيـن أو ليتنـي مـا قـد دفـعـت احــلام عـمـري لــك مـهـر ..

وياصاحبـي .. لاعــاد تسألـنـي عــن الـحـزن الدفـيـن أقسى الطعون : ( الطعنه اللي من حبيب و فالظهر ) !!

(( * ( الإرهابي ) * ))

فــن الـكــلام الـفـاخـر الـجـذّابـي أوّلـى بقلبـي والقصـيـد أوّلابــي

لـكــن مـــع ذلـــك نسـيـتـه كـلــه تحتـاج روحـي عـزلـة المحـرابـي

أهـــذّب الـنـفـسَ بـشــئ ٍ مـنـهــا فالقلـب رجلـي والرضـا مرقـابـي

ومــدام روحــي راضـيـه مـرضـيّـه لــو ان مافيـنـي قـــدم تـرقـابـي

عـلـى كـفـوف الغـيـمـه المـمـتـدّه والريـح تلعـب فـي كمـوم ثيابـي

كـن السعـاده وانشراحـة صـدري تـشـرّعـت لـهــا جـمـيـع ابـوابــي

يسبـح خيالـي فـي بـدايـع ربــي مستسلـمـا ً .. للمـنـظـر الـخـلاّبـي

متجلـيـا ً .. عــن الـحـيـاه الـدنـيـا متناسيـاً .. همـي وشـد اعصابـي

مـانـيـب يّـــم الـسـاحـه الشعـبـيّـه ليـن احتـدانـي للقصـيـد أعـرابـي

كـائـن غـريـب ومرحـلـة تكـويـنـه مــن البـدايـه : كومـتـيـن تـرابــي

تـكـوّنــت وآلـتـحـمـت وامــتـــدّت ولبسـت لهـا مثـل البشـر جلبابـي

واستشعـرت فــي مطـلـع الألفـيـه ست اسنـوات بـلا وجـود إيجابـي

واليا متى ؟ يا ( كومتيـن ) الدجّـه مـن شعـر غيـرك تختلـس وترابـي

اسمـع كلامـي وافهمـه واعتـبـره ماهوب كـل مـره يجيـك اخطابـي

يحـوّل الفصـل الدراسـي فـوضـى تــواضــع الإســتـــاذ لـلـطـلابــي

( ليـس الغبـيُ سـيـداً فــي قـومـه لـكـنّ سـيــد قـومــه المتـغـابـي )

لاتعتـبـر نفـسـك زعـيــم الـثــوره وانـتـه مـجـرد ســارق ومتحـابـي

ولاصـار لامـنـي حـضـرت ألغيـتـك مـاهـمّـنـي تــواجــدك بـغـيـابـي

ريّــح ملايكـتـك وشــوف امــورك ولاّ تـــراك بتـنـتـحـر بـأسـبـابـي

انـا القصيـد اللـي تجيـك أخـبـاره الشـامـخ المتـغـطـرس الإرهـابــي

روس ٍ يـذرّيــهــا ذرى وقــفــاتــه وروس ٍ مضرّيهـا علـى المشعابـي

نسّاك نفسك وأشغلك فـي همّـي وخــــلاك لا بــنّــي ولا عـنــابــي

فـي كـل ديـره صـورتـي قـدامـك تجبـرك يوميـا ً تحـسـب حسـابـي

و والله لا اموت ولا حسبت حسابك لـو ان بيتـك عـنـد روس أطنـابـي

لاني عرفت ان قيمتي في عينـك همشتهـا مــن شــدّة الإعجـابـي !

الحاصل .. ان الشايب اللـي جابـك يـا طيـب راسـه لـو قـعـد عـزابـي

(*( الـجـادل الـطـرقـا )*)

أغـنـي الـطـاروق واسـمــي واعـوذ بالرحمـن مـن هـمـي

واضحك واقول الله يسامحهم وامـدح ولـوّ تـمـادوا بـذمـي

المشكـلـه وش دخــل العـالـم لو تشكي عروقي ثقل دمـي

مـلـيـت اجـنـبـهـم ولامــلــوا لين اختلط كيفي علـى كمـي

يا (مفرح بـن طبيـر) يامفـرح ياصاحبي واقرب بنـي عمـي

علمهـم ان شـحـت مـواردهـم وردّت قاصيهـم عـلـى جـمـي

مانـي بذاخـر دونهـم حـاجـه لا لـدت ((عويناتـهـم )) يـمـي

وسلم على اللي في محبتهـا حبيت كسري لو زعـل ضمـي

يالبـا قلـب الجـادل الطـرقـا شـف غمهـا ماشـابـه لغـمـي

ومن عينها سالت قبل عينـي الدمعه اللي في طـرف كمـي

(*( بيني و بينك )*)

(( صــــدى مـحـمــد صــالــح الـعـتـيـبـي ))

أخطـيـت فــي حـقّـك / و حـقّــك عـلـيّـه . ! تستاهـل اللـي يآصلـك .. ليـن .. يرضيـك . !

أنـا أعتبرهـا .. جـات مـن حسـن .. نـيّـه . ! وأنتـه يقينـك / فـيّ / مافـيـه تشكـيـك . !

صـبـرت عــام / و طــوّل الهـجـس / فـيّـه . ! و خواطري .. جارت .. و راحت .. تجاريك . !

لأنيّ نويت .. أفتـح مجـال .. * القضيّـه * . ! و أشرح لك * أسباب القضيّه * و أوريّـك . !

مــانــي مخـلـيّـهـا / تــعــدّي / كــذيّــه . ! فرصـه كبيـره .. يـوم جتـنـي .. تبـاريـك . !

و مـن كبـر منزلتـك .. ( بسـوق المطـيّـه ) . ! والعمـر يمـضـي / و الليـالـي / محالـيـك . !

وعـرق الصداقـة / مثـل عــرق / الحمـيّـه . ! عنـد المـلـوك .. الـلـي تـفّـك .. الممالـيـك . !

الـسـاس .. طـيّـب .. و المنـابـع .. قـويّــه . ! يالـلـي تحّـلـون / العـقـد / و الشرابـيـك . !

* و بينـي وبينـك * جيـت .. و النـار حيّـه . ! و الشعـر / ماصـدّق علـى الله / يماريـك . !

يـاشــوق بـنــتٍ / مـاتـعــرف / الــرديّــه . ! يومـن .. ربّ الـكـون .. بالـحـب .. بالـيـك . !

روحتـك صـارت .. عقـب الاشـواق .. جيّـه . ! والله .. ثــم و الله .. مـــاودّي .. أرثـيــك . !

و أطلب مـن اللـي .. راح مـا جـاك .. ديّـه . ! و أبرّكـه / للـحـق / و الـشـرع / تبـريـك . !

و أنـا ادري إن / الـحـب / مافـيـه سـيّـه . ! لنّـه يجـي .. مـن غيـر خطّـه .. و تكتـيـك . !

مـاقــول جـربّـتـه .. وذقــــت .. الـمـنـيّـه . ! أقــول / مـريّـتـه / و شـفــت التهـالـيـك . !

والـيـا بـغـيـت / الـحــق / حـقّــك عـلـيّـه . ! خواطري .. جـارت .. و راحـت .. تجاريـك . !

مـاعـنــدي إلاّ * كـلـمـتـيـن و هــديّـــه * . ! ( تستآهل اللي .. يآصلـك ليـن يرضيـك . ! )

//

//

(( مــــــــــــــــــــــجـــــــــــــــــــــــارا ه ))

يــا قــوّ / صـكــات الـحـيـاه / الشـقـيّـه . ! حتـى و لـو انهـا .. تصيبـك .. و تخطـيـك . !

يــا صاحـبـي .. مـنـي ســلام .. و تحـيّـه . ! و منك البيـاض / اللـي يبـاري / معانيـك . !

مسمـوح لـو / مـا جـات مـنـك / الخطـيّـه . ! و ( ياعلّنـي مـاذوق حزنـك ولا ابكـيـك ) . !

و الصاحـب اللـي .. يفتخـر فـي .. سميّـه . ! مــا يلحـقـه / شــك بسـمـيّـه / تمـاتـيـك . !

و الـخــوه الـلــي / بيـنـنـا / سـرمـديّــه . ! خـوة عمـر .. ماهيـب .. ( ليلـه واخلـيـك ) . !

ابـــوي .. وصـانــي علـيـهـا .. وصــيّــه . ! يقـول : يـا محمـد . ! و انـا اقـول : لبيـك . !

( * خـلّـك خــوي ٍ .. مــا يخـلّـي .. خـويّـه . ! و لا ّ ترى يابـوك .. ماحـدٍ .. مخاويـك . ! * )

و شرواك .. يا * شوق المها * الغشمريّـه . ! علـى المـراجـل / مـاخـذٍ صــك / تملـيـك . !

مكـانـتـك مـابـيــن / هــــذي / و ذيّــــه . ! و مواقفك .. عـن فاخـر المـدح .. تغنيـك . !

ادمــح لــك .. الــزلات عـشـره .. و مـيّــه . ! على النقا / و الشك زايـل / و انـا اخيـك . !

والـحــب / مــثــل الارض / و الـجـاذبـيّـه . ! لـولاه .. مانـي حـيّ قدمـك .. و احاكيـك . !

لـه فـي خفـوقـي .. منـزلـه .. و اولـويّـه . ! و كانك تبي / باخذلك شوي / و اعطيك . !

حــتــى تــعــرف .. الــراحــه العـالـمـيّـه . ! و انــواع .. الاستمـتـاع .. والـلـي يكفـيـك :

عـــن كـــل شـــي !! إلا * غـــرام بـدويّــه * تاخـذك مـن دنيـاك / خلـسـه / و تنفـيـك . !

لـعـالـم ٍ / مـافـيـه / يــــا كــــود هــيّــه . ! تسلمّـك ملـكـه .. عـلـى راحــة .. يديـيـك . !

* و بيـنـي وبـيـنـك * و اللـيـالـي مـديّــه . ! ( الشـعـر مــا ســرّ الـدهـاه الصعالـيـك . ! )

(*( مـع السـلامـه دام ما بـه سلامـه )*)

لاصرت بايعنـي اشوفـك علـى خيـر مـــع الـسـلامـه دام مـابــه ســلامــه

قـلـت انتهيـنـا قلتـلـك خـيـر ياطـيـر مانـي بـاول شخـص يخسـر غرامـه!

مـحـذرك مــن قبلـهـا الـــف تـحـذيـر لا عفتنـي بيعـيـف قلـبـي هيـامـه ..

مانـيـب بمـيـت لا ولا احـتـاج تبـريـر صــح الله لسـانـك و وفـــر كـلامــه

بسمـعـك حبـكـه وفـكـره وتصـويـر وافـهـم عــدل يامـدعـي بالفـهـامـه

وجـه الشعـر ابيـض ويحتـاج تغيـيـر ودي تــزيَِِــن هالـقـصـيـده عــلامــه

ماضيك الاسود ابذكـره دون تقصيـر كـذا يـكـون بـخـد هالشـعـر شـامـه

يصـدق معـي تعبيـر ويخـون تعبـيـر ياضيعـة الشاعـر بـوقـت انسجـامـه

يمـكـن خـطـا ادورك بالشـعـر مـيــر لـــو ماحتـرمـتـك لـلـغـرام احـتـرامـه

ماكـان حبـك غيـر بـس طعنتـك غيـر علمتـنـي معـنـى الـنــدم والـنـدامـه

مـاجـاك مـنــي أي زلـــه وتقـصـيـر كــل ماخطـيـت اعاتـبـك بابتسـامـه

حسبي على الذكرى اذا هبت عصير مـاعـاد تنـفـع شـرهـتـي والـمـلامـه

البـال ضامـي وقتهـا والـحـزن بـيـر خسرتـك وهـمَـي كسـبـت اهتمـامـه

واليـل فـازع لـك كـذا جانـي مغـيـر ظلمتـنـي واكـثــر ظلـمـنـي ظـلامــه

لااقبل علي اوحيت صـوت المساييـر وفزيـت كــل ضـيـفٍ اقــوم بمقـامـه

وليـا عـزم هاللـيـل ضيـقـه وتفكـيـر قـلـي بـربـك كـيــف بـقــدر انـامــه

مافـيـه داعــي للـعـتـب والمـعـاذيـر الغـدر خـال الجـرح واطـيـب عمـامـه

امـا يجـيـب الله مـطـر تـالـي وخـيـر والا السلامـه مـاش ..مامـن سـلامـه !

(*(مـوعـد لـقـا )*)

الـبــارحــه .. مـــــا بــيـــن هــمـــي و الأوراق . ! جــــرّ الـقـلــم طــــارووق .. حــزنــن يـسـلـيـه . !

و أسترسلـت أبـيـات شـعـري .. مــن أعـمـاق . ! الـمـوقـف الـلــي مــــرّ .. و أزريــــت أعــديــه . !

مـوعـد لـقـا .. مبـنـي عـلــى نـيــة .. أفـــراق . ! كـــان الأخـيــر .. و ضـيــق الـصــدر .. طـاريــه . !

و لا هــي غريـبـه لــو أقــول : الـصـدر ضــاق . ! لـكـن الأغــرب .. كـيـف .. مـــا ودعـــه فـيــه . !؟

كـانــت دمـوعــه تخـتـنـق بــيــن .. الأحــــداق . ! و نـظــرات عـيـنـي .. تقـتـلـه .. ثـــم .. تـحـيــه . !

كـنـي جلـسـت أعـلـمـه .. كـيــف .. يـشـتـاق . !؟ و كـنـه يعـلـم شـعــري .. شـلــون .. يـرثـيـه . !؟

شــح الـزمـن .. بـمـوادعـه .. و الـمـسـا ســـاق . ! حـــزن القـصـايـد .. و الـعـتـب .. و الـمـشـاريـه . !

يــا لـيـل .. و الله مـــا ورى .. لـيـلـك أشـــراق . ! الـنــور .. عـانــه يسـحـبـه .. فـــي خـطـاويــه . !

عشاق .. قلي : ويش . !؟ أو .. ليش . !؟ عشاق . ! ألا .. ضـحـايــا وقــــت .. مــــدري شـسـمـيــه . !

يقطـع .. سنـيـن العـشـق .. يــا درب الأشــواق . ! يالـيـت .. بـيــدي شـــي .. و أقـــدر أسـويــه . !

(*(*( الـتـجـربـه )*)*)

تـقــدم الـدنـيـا لـنــا درس ٍ جــديــد بــكــل يــــوم والنـاس تسلـم مـن غثـا الدنيـا بحفـظ دروسهـا !!
وعلـى حسـب حـفـظ المواجـيـب وتعالـيـم السـلـوم نـعـرف مـقـاسـات الـبـشـر بالمـرجـلـه ونقـوسـهـا
صيـت الرجـال الوافـيّـه بأفعالـهـا .. ولا ّ الـرخـوم ينبـيـك عنـهـا : قـــل نفعـتـهـا وشـيــن نفـوسـهـا
تـطـرد ورى الدنـيـا وتكـشـخ بالمـواتـر والـهــدوم مثـل ( الحريـم ) أغلـب دراهمـهـا عـلـى ملبوسـهـا
والإمـعـه والـشـايـب الـكــذّاب وضـعـيـف الـعــزوم نـاس ٍ مـع العالـم بــلا هيـبـه تـدربـي روسـهـا !!
والبـخـل : خـلاّنـه بهـايـم !! لا تـسـام ولا تـســوم لا شفتـهـا تـرفـع يــدك حـمـد وشـكــر وتبـوسـهـا
علـى الصحـن هـم أول الجـلاّس وآخـر مـن يـقـوم يعيّـفـك حـلـو الاكــل والـشــرب طـــول جلـوسـهـا
ماهـيـب لـلــلازم سـنــد ولا ذخـــر عـنــد الـلــزوم تـمــوت مــاســرّك مهـايـطـهـا وكــثــر فـلـوسـهـا
وسوالف الخبلان .. رفعـة ضغـط وصـداع وهمـوم فـــلاوة ٍ تـخـطّــف عــلــوم الــعــرب وتـحـوسـهـا
واجـب عليـك إليـا حكـت عـن جملـة حكاهـا تشـوم الهـنـد مــا يــرأس حكومتـهـا ســـوى هنـدوسـهـا
وربــع المصـالـح والمجـامـل خـــوة ٍ مـاهـيـب دوم اقـولـهــا والـتـجـربـه قــطــع وريــــدي مـوسـهــا
وقت الرخا .. مثل الصقور اللي على المرقب تحوم فــيّ ٍ يــذّري سـاقـك الرمـضـا وحـــر ّ شمـوسـهـا
وإليـا احتمـت صكّـات بقعـا وامسـت علومـك علـوم اتـلــوّي خشـشـهـا وتـجـحـد خــوّتــك وتـدوسـهــا
من عقب مـا انـت الطيّـب وقـدرك معـزّز ومحشـوم تـصـيـر اردى مـــا خـلــق ربـــي ودم ضـروسـهـا
أبعد عـن الأشكـال ذي .. بعـد الثـرى عـن النجـوم وش حاجتـك فـي قـرب رديـان العـرب ونجوسـهـا
ماهوب عيب إليا عزموك تقول يالربع .. معـزوم ! العـيـب : لارحـــت لعزايـمـهـا وجـيــت عـروسـهـا
وخـلّـك فطـيـن تعلّـمـك دنـيــاك درس بـكــل يـــوم والرجـل يسلـم مـن غثـا الدنيـا بحفـظ دروسهـا !!

(*(*( كـلي ضـمـا..! )*)*)

بـيـنــي وبــيــن الـشـقــا ســــلام رديّــــه يفـتـل جـروحـي وانــا انقـضـهـا بـمـوالـي
عـيّـدبـي الـهــم واثــــر الــدمــع عـيـديّــه ولانـــي بــذاخــره دام عـيـونــي عـيـالــي
يــا عـيـن هـلّـي دمـوعــك كـــل عـصـريّـه وان لمتـك فيـوم قولـي : ( مالـك ومالـي )
مـحـتـاج طـــاروق لـــه مـعـنــى وقـافـيّــه واستبـشـري خـيـر ! والـشـعـر يتهـيّـالـي
الـقــدح مـــن فـكــري وفـالــراس جـنـيّــه وان حضّـرت بـي كتبـت العالـي .. العالـي
مـا شلتـهـا عـرضـه ! ولا هــي هجينـيّـه ! غنّـيـتـهـا مــــدري الــطـــاروق غـنّــالــي
بـــس الـوكــاد إنـهــا : قـصّــه غـرامـيّــه ابـطـالـهـا هــمــي وغــمـــي وغـربــالــي
وان قـالـوا الـنـاس : ذا طـبــع الـهـواويّـه قلـت : استـوى عـنـدي التـريـاق والحـالـي
الـعـشـق بـلــوى ونـفـسـي فــيــه مـبـلـيّـه خـلـونـي اكـتــب وافـضـفـض لا تفـضـالـي
المـسـألـه أكـبــر مــــن احــــلام ورديّــــه الـحـزن لا مــن لـفـا جـيـتـه عـلــى فـالــي
حزنـي واعرفـه واعــرف ابـسـط مـواريّـه ولانـي لحالـي كثيـر اللـي عـرف حـالـي !
يــا وجــد حـالـي وجـــود الـلــي هـقـاويّـه خانـتـه بـاغـلـى رفـيــق ولا لـقــى والـــي
ويـاوجــد حـالــي وجـــود الـلــي بنـاخـيّـه عـن عسـر حالـه وضيقـه دالـه وسـالـي !!
فـــي غـيـبــة الــلــي تــمــادى بـالانـانـيّـه وخـلانـي بـوجـه حـزنـي واقـــف لـحـالـي
يــا مـوّسـع الضـيـق لامـــن مـــر طـاريّــه كـن الوسيعـه تضيـق ان مـر فـي بالـي !!
ويــن انــت ؟ يالـلـي غيـابـك مـثـر ٍ فـيّــه غايب !! واحسك معي !! واشوفك قبالي !!
طـيـفـك لـيــا مــــر حــاجــه لا إراديّــــه ! اتـبـع سـرابـه واجـيـه اسـابـق ظـلالـي ..
يالـلـي مــن حـروفـك تـغــار الرومنـسـيّـه والله قـبــل لا افـقــدك فـاقــدك جـوّالــي !!
في ( بحّتك ) شي ؟! يشبه حزن مرثيّـه !! ومن غاب صوتك وانا اللـي صـدق يرثالـي
وعـيـونــك الــســود إعــجــاز وخـيـالـيّــه نــادر شبهـهـا مـثـل مــا تـنــدر خـصـالـي
ونـظـرتـك تـهــدم كـيـانـي بـكــل عـفـويّـه سلهـم وشـف كيـف يـبـدى فــي ّ زلـزالـي
وعــودك لـيـا مــال يــا الـمـتـرف بحـنـيّـه قـمـت اتـعـزوى واطـــوّح لـجـلـه عـقـالـي
وقـلـبـي عـلــى ظـمّـتــك يـسـابــق يــديّــه ويـردنـي طـيـب ابــوي ومـرجـلـة خـالــي
تـكــفــون يـالــلــي تـمــرونــه عــلانــيّــه قولـوا لـه : المـوت لامـن غــاب يبـرالـي !
وقولـوا لـه : ان غيبتـه مــا هـيـب عـاديّـه وخـلـوه يـرجـع يـشـوف بعيـنـه احـوالــي
وقولـوا لــه : انــه ذبحـنـي لعنـبـوا حـيّـه مـا يرحـم الشـوق غالـي ينتظـر غـالـي !!
وقـولـوا لــه : ان صــد والـصـده نهـائـيّـه اشوالـي آصــد !! لا والله وش اشـولـي !!
حـيـل الله اقــوى عسـاهـا روحـــه بـجـيّـه وعـسـاه مــا يبـطـي ويـرجــع ويسـعـالـي
وقولـوا لــه : الله حسيـبـه كــان لــه نـيّـه مـا عـاد يرجـع لـي وقـولـوا لــه التـالـي :
حـرام كلّـي ( ظـمـا ) وايـديـه ( وسمـيّـه ) وحـرام ( مالـي أمـل ) مدامـه ( آمالـي ) !!

(*(*( الـمـوكـب )*)*)

مــا يمـلـي عـيـون الـرجـال مــن الـرجـال الاّ الـزحـول أبـصــم علـيـهـا بالـعـشـر .. عــــن اقـتـنــاع وتـجـربــه
واصـــدق احـاديــث الـزمــان تـقـولـه كـبــار الـفـعـول مــا هــو حـديــث الألـسـنـه لـــو وثّـقـتـه المكـتـبـه !!
والـمـدح لا مــن قـيـل فــي رجــل ٍ يـقـول ولا يـطـول كــنّـــه : مـســبّــه ابـطـريـقــه راقــيـــه ومـهــذبــه !!
والقلـب ضحكـة صـبـح متـرامـي وبالـحـزن مغـسـول تـجـمّـع الأضـــداد فـــي صــــورة جــمــال مـرتـبــه !!
والشـعـر (فــارس حـلـم) والفـكـره (حيـاويّـه بـتـول) وانـــا الـــذي يـرســم تفـاصـيـل (الـزفــاف) ويـكـتـبـه
مــا جـيـت اروّج للـهـزل واحـــاور كـفــوف الـخـبـول ! من باب كسب اعجاب ساذج من سذاجـة معجبـه !!
ولا جـيـت اقــول ان التكـبّـر شـــرط تـبـريـر الـوصــول دام الـوصـول احـيـان مــا يحـتـاج شـعـر ومـوهـبـه !!
لا والله الا جـيــت ابـنـشـر فـكــر واخــاطــب عــقــول لــو اكـثـر اكـثـرهـم ( نـمــط تـواجــدي ) مـــا يعـجـبـه
يكفـيـنـي اعـجـابـي بـذاتــي روح وافــكــار ومــيــول وتفاخـري لامـن لقيـت ان ( بينـي وبينـي ) شـبـه !!
ماني بنافس غير أنا !! واحساس في صدري يجول احـيـان اقـولـه واكتـبـه واحـيـان يكـفّـي اشـطـبـه !!
والبـارحـه مـثـل السـنـه .. تـجـارب ووقــت وفـصـول عـطـت ضمـيـري مــن دروس الـوقـت مـالـم يطـلـبـه
زلة خوي ّ .. وطعنـة صحيـب .. وتشمّـت مـن عـذول ياااكبـرهـا فــي حــق مـــن يـفـخـر بفـعـلـه وشـنـبـه
تـطـلّـع الــرجّــال مــــن طــــوره وتـدخـلــه الــذهــول مابيـن يصـدّق مـا حـصـل !! أو مــا حـصـل يكـذّبـه !!
لا بــارك الله فــي النـوايـا البـيـض لاصــارت تـحـول : مـــن دون عـرفــك صـــدق نـيّــة صـاحـبـك ومـذهـبـه
لـكّـن .. دامــك محـتـرف يــا صاحـبـي دق الطـبـول ! حـاول تـلاقـي لــك مـكـان بخـلـف ظـهـر المطـربـه !!
مــا عــاد لــك عـنـدي .. مـقــام ولا مـــلام ولا قـبــول وجّــه عـلـى حـظـك (ركـايـب لــوم نفـسـك) وانـدبــه
ويـا صوتـي المبحـوح .. ساعدنـي آباغنـي واقــول : شـي ٍ وقـف لــي اسهـلـه ! قــدّام افـكـر باصعـبـه !
الحب .. هبّل فـي عقـل قيـس وتـرك قيـس مهبـول وانــا عـلـى حــده سـبـب مــن مــر قلـبـي وسلـبـه :
الفـارع اللـي كنهـا مخـتـاره مــن الـطـول .. طــول !! يلـبـق عـلـى رزة جـسـدهـا لا تـحــرك ( مـوّكـبـه ) !!
الـيـا مـشـت تنتـابـك الحـيـره .. ويذْبـحـك الفـضـول : كـــن بعـضـهـا مـاهــوب ويـاهــا وكـنـهــا تـسـحـبـه !!
لبّـا غنجـهـا .. والـكـلام الــذرب .. والـطـرف الخـجـول الـلــي الـيــا سـلـهـم عــرفــت ان الـمـنـيّـه بـسـبـبـه
وانا ( نحيل شعـور ) لـو ماكـان فـي جسمـي نحـول وآخـــــاف يـغـلـبـنـي غـــــرام عـيـونـهــا ولا اغــلــبــه
والموت .. ماهـو مـن خسـارة خافـق الغـروّ الجفـول المـوت .. لامـنـي دريــت ان غـيـري يـقـدر يكسـبـه !

(*(*( قـلبـي نسيـته ..! )*)*)

قـصـايـد ٍ تـنـكـتــب فــي روّعــة وصـوفــك فـي كــل خـايــع فـكــر تـلـقــى لـهــا جِــرّه
والـشـعـر كـانـه قـدر يـخـطــرك ويـطـوفــك مــــــا هــــــوب لــــلــــه .. لا درّي ولا درّه
يـا غـايـب ٍ رجّـعـك عـقـب الـبـطــا خـوفــك فــي كــل مـــره تــجــي وتــعــاود الــكــرّه
اتـكـبّــر الـعــذر قــبــل اتـكــثّــر حـلــوفــك ولا ضــرّ قـلـبــي كـبــر عـــذرك ولا ســـرّه
قـلـبـي نـسـيـتـه سـنـه فـي راحـت كـفـوفـك طـالــبــك ردّه عــلــي ولاّ اكـفــنــي شــــرّه
الله لا يــســامــح الاشـــــواق وطــيــوفـــك ويـا ويـل قـلـبـي مــن الـحـرمــان والـحــرّه
يــا لـيـتـهــا فــي يــدّي واغــيّــر ظـــروف او لـيـتـنــي مــا عـرفــت الـحــب بـالــمــرّه
الـعــام فــي كــل لـحـظــه اقـــدر اشــوفــك والـيـوم مـا اقـدر اشـوفـك بـالـعـمـر مــرّه !

(*(*( بـانـورامـا ..! )*)*)

راكـــب الــلــي ورّدوه الـبـشــر والـجـفّـالـي مــن ديــار ٍ تـكـره المسـلـم وديــن اسـلامـه
بــانــورامـــا ( s 500 ) ورد مـــــــن تــــالــــي الـجـوانـب إنسيـابـيّـه .. وسـقـفــه جــامــه !
صـوت دقـة سلفـه ان دقـه عـريـب الخـالـي غـصـة الـلــي تـــوه يـعـلّـم بـحـكـم اعـدامــه
وان مشـى بشويـش كنـه فـارس ٍ مختالـي رزة الــفـــارع وهـيــبــة شـيـخـنــا الـعــلاّمــه
خشـتـه .. خـشـة هـنـوف ٍ سبـبّـة غـربـالـي فاتـنـة جـيـل : ( العـبـاه مخـصـره و لثـامـه )
مــن حـلاهـا الصـايـم الـيـا شافـهـا طـوّالــي يستشـك انــه جــرح فيـمـا يـشـوف صيـامـه
كــن كبـوتـه خــدود الخـشـف بـنـت الـوالـي ودّك انـهـم صمـمّـوا لــه فالوكـالـه شـامــه !
وكــن بـيـن عيـونـه الـيـا مـنـه صــار قـبـالـي عربـجـي ٍ نـكّــس عـقـالـه عـلــى مـرزامــه !
والسِكن (أجواء حانـه) وان عطـاك العالـي : شفـت بــرج المملـكـه لـوّنـك غــرب تهـامـه !
امـبــراطــور الـرفـاهـيّــه بـــــدون جـــدالـــي رحـلـة استجـمـام .. مــن صـدامـه لـصـدامـه
داخـلـيّـه يـــا بــــري حــالــي ويــــا عــزّالــي أرض خصبـه .. للفقيـر ودمعـتـه واحـلامـه !
كل حاجه فيه ( عاج ) مـن الشوائـب خالـي نـــوع فـاخــر فـالـمـواتـر نــــادر اسـتـخـدامـه
وبـيــن : سـيـتـه الـمـريـح وقـيــره المـيّـالـي وشـاشـتــه والــنــور والــجــوّال والـرزنـامــه
وفلسـفـة طبـلـونـه المتـنـاسـق الـطـوّالـي مـن اضاءتـه الخفيـفـه لـزيـن رســم ارقـامـه
تشعـر بمتعـة جنـون ( الــدوري الايطـالـي ) بـنـجـومــه وانــديّــتــه وقـــوّتـــه وإعـــلامـــه
وفالدركسون اختصار السالـف !! وبالتالـي: سايـقـه يـعـطـي الاوامـــر كـلـهـا بابـهـامـه !
( مـرســدس) وصـيّــة الاجــيّــال لـلاجـيّـالـي ( الـمـلــك ) ومـاتـبـقــى جُــنـــده وخــدّامـــه
منـوة الـلـي يـركـب الغـالـي لعـيـن الغـالـي لا نــوت شـوفــة ربـوعــه نـفـسـه الـجـزّامـه
وجّهـه علـى الـريـاض وثــم عـطـاه الصـالـي وفــز فـــزة مـــن تـوفــى شـايـبـه قـدّامــه !
(نـصـف سـاعـه) عقبـهـا ييـغـيّـر الارسـالــي وعقبـهـا (بـاربـع) يغـنّـي مرحـبـا يـــا ثـمـامـه
ناصـي ٍ مـن يستحـق الـمـدح واسترسـالـي ( سعد المشعـان ) درع المبتلـي وحسامـه
شيـخ ٍ ليـا قالـوا اسمـه والشعـر فـي بالـي تبـرك جـزال البـيـوت الـشـرد تـحـت اقـدامـه
الشجـاع , الشامـخ , الحـر , نـادر الافعـالـي الـوفــيّ الـلــي غــرامــه بـالـوفــا وهـيـامــه
الـكـريــم الــلــي يـمـيـنـه كـفــهــا هـمّــالــي غـايـة الـلـي جــرّح وقـطّـع جـمـاه حـيـامـه !
طيـبـه وفعـلـه وصـيـتـه مـضــرب الأمـثـالـي هــو علمـنـا .. لا تحـاكـوا فـالـكـرم وأعـلامــه
كنْـه يقـول : الطيـب ثوبـي والحميـاّ عقالـي والشمـوخ عمامتـي .. يـا حيّهـا مـن عمـامـه
الرجـولـه عـلـى جسـمـه فصّـلـت تفـصـالـي هـنـدم عـلـوم المـراجـل واصبـحـت هنـدامـه
مـن تم التعديل من قبل الادارهنـه مــن الـزمـان الشـيـن والأهـوالـي والله ان يبـطـي زمـانـه مـــا قـــواه وضـامــه
سعد عيـن اللـي يعـده صـدق راس المالـي وسعـد عيـن اللـي غدالـه مسنـده وحـزامـه
وجـعـل يـفـداه البخـيـل النـاقـص المتعـالـي شايف ٍ نفسه على الدجه .. حبيس اوهامه
عند روحه هـو الاطيّـب !! جعـل مالـه والـي وعند خلق الله : عفـن ومهايطـي وهلامـه !
والصحـيـح الـلـي غـبـن حـسّـادي وعـذّالـي بــيــت ٍ يـفـطّــر كــبـــود الـعــالــم الـنـمّـامــه
والله ان مـا يستـحـق الـمـدح واسترسـالـي غيـر ابـو مشعـان ابـن عـمـي رفـيـع الهـامـه

(*(*( وجهة نـظـر ..! )*)*)

مـــرات احـــس القـصـيـد بـــدم شـريـانــي يـضـخّـه الـقـلــب لــيــن يـقـولــه لـسـانــي
وانـــي كـتـبـت الـغـريـب الـراقــي الــنــادر وانــه خـلاصــة عـلــوم الـفـكـر الانـسـانـي
ومـــرات احـسّــه شـــي لا يـمـكـن آصـلــه وان الصـحـافـه مـجــرد مـــدح مـجـانــي !!
واني ليامـن قريـت ( لعافـت ) و ( مدغـم ) زهـــدت فـيـمـا كـتـبـت وشـابــت الـحـانـي
لـكّـن والـلـي خلقـنـي غـيــر عـــن غـيــري إنــــي أحــبّــه واعــــده ثــالــث اخــوانـــي
لــذا يـــا شـعّــار جـيــل ( الـكــل متـمـكـن ) والـــكـــل مـــبـــدع ومـتــمــيــز وفــنــانـــي
أخـــذو حقـيـقـة مـشـاعـر شـاعــر ٍ مـنـكـم وجـهـة نـظـر والـصـراحـه نـبــض قيـفـانـي
الـمـسـألــه كــلــهــا .. فـــكـــره وقــافــيّــه وأبـيـات مسـمـوعـه مـــن فـــلان وفـلانــي
نفـس العتـب والغـزل واللـي قبـل افـضـل ونـفـس الفـخـر واطـيّـب العـربـان عربـانـي
نــقـــول شـــــي ٍ يـقــولــه غـيــرنــا لــكـــن الــفــرق بالـحـبـكـه وتـوقـيــت الازمــانـــي
يعـنـي بــلاش انتـظـاهـر ( بـالأنــا ) واجـــد مـا فيـه ( ابـو الطيـب ) ولابـه ( لويحانـي )
مـانــي بـعـمـم !! ولـكــن اغـلــب الاغـلــب مستشعـر .. مهايطـي خلقـه .. وقومانـي
لــــو انـــــه يـعــاتــب الـرعـبـوبــه الـحــلــوه يـقـول ياطـيـب ابــوي وطـيــب جـدانــي !!
ومــدام هـــذي حقـيـقـة وضـعـنـا الـراهــن يـمـكـن مـــع الـوقــت رب الـبـيـت يـبـلانـي
فـإن كـان شفتـوا اهياطـي يــا جماهـيـري تجـاهـلـوا كـــل اشـرطـتــي وديــوانــي !!
خـلـونـي احـــس فـــي قـيـمـة تـواجـدكـم واتـعـب عـلـى ذوقـكـم كــان الله احيـانـي
لـكـم عـلـيّ اقـلــب الـدنـيـا عـلــى شـانــه والـــي علـيـكـم تحـبـونـه عــلــى شــانــي
وعلـى العمـوم الغريـب احساسـي الليلـه ماهـوب باحساسـي ان فـارقـت شيبـانـي
عــوايــدي لا تــركــت ديــــار اخــــو مــريــم أشعـر بضيقـه واحــس الـشـوق أضنـانـي
لـكـنـي الــيــوم كــنــي جــالــس فـبـيـتـي مـابـيــن ربــعـــي وخــلانـــي وصـدقــانــي
فـيــا أمـــا الـكـويـت مـوجــوده هـنــا مـعـنـا يـــا أمـــا دار الـخـفـوق ديـــار ابـــن ثـانــي
أحـبّـهـا مـــن قـبــل لاجـيـهـا وامـــوت بـهــا واحسّـهـا غييـيـر فــي فـكـري ووجـدانــي
والــلــي مــــزوّد غــلاهــا شـعـبـهـا كــنـــه يــعــطّــر الارض كــمــبـــودي وريــحــانـــي
مـــن كـثــر مـاهــو ودود وسـمــح ويــقــدّر ماكـنـي بضـيـف كــن الـشـعـب ضيـفـانـي
والـــــدار تــبـــارك الــرحــمــن مــــــا شالله دره وفـيـهـا الـجـمـال اشــكــال والــوانــي
هــنــا الـتـطــور صـحـيــح بـكـلـبـوا حــاجــه ريــاضــي وفــكــري وفــنـــي وعـمــرانــي
الله يـبــيــض وجــيـــه شــيـــوخ ديـرتــكــم يشـهـد لـهــم قـاصــي الـعـربـان والـدانــي
فــي ضــل قـايـد مسيرتـكـم ابــو مـشـعـل وعـيــالــه وعــزوتـــه ذربــيـــن الايـمــانــي
امجـادكـم مــا هــي بسـهـلـه و حـــي الله لا والله الا بـــحـــد الــســيــف شــامــانــي
ويكفيـكـم مــن المـآثـر مـوقــف الخـفـجـي يـــوم الـجـمـوع اتــداحــم فـعـلـكـم بــانــي
وعــمــار يــــا ديــــرة الـتــاريــخ والـطـيـبــه في ضل شيخك ( حمد ) وامجاد ابن ثاني