منتديات زحف الشعب السعودي
منورين المنتدى سجل دخولك اذا انت عضو
وسجل معنا في المنتدى اذا انت زائر
لاتحرمونا ابداعاتكم

منتديات انا اهواك

انضم إلى المنتدى ، فالأمر سريع وسهل

منتديات زحف الشعب السعودي
منورين المنتدى سجل دخولك اذا انت عضو
وسجل معنا في المنتدى اذا انت زائر
لاتحرمونا ابداعاتكم

منتديات انا اهواك
منتديات زحف الشعب السعودي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كيف تكون زاحف

4 مشترك

اذهب الى الأسفل

gdti كيف تكون زاحف

مُساهمة من طرف بهبهاني الخميس يونيو 23, 2011 3:10 pm

السلام عليكم .
لقيت لكم هذا الكتاب القيم بعنوان " كتاب تعلم مبادئ المرجله " انا شالله يعجبكم

كتاب تعلم مبادئ المرجلة


أخيرا خلصت من الجزء الأول لمنهج أهل المراجل والعرابجه بأصداري كتاب
101 رجل
مبادئ المراجل
وهو كتاب يعد من الكتب الغير مقدسه حيث إنه منهج وواضح وصريح يعلم شبابنا السلوكيات التي اتبعها من قبلهم من شباب الامه ونحوهم وهو كتاب من مؤلفات الشيخ طارق ملفي والعياذ بالله احد خبراء كل شي بالعالم وتقوم كبرى الجامعات بالعالم بتدريس هذا الكتاب للطلاب عسا إنهم يطلعون رجال ونحوه.
والآن مراح أطول عليكم
مع الكتاب :
==========================================
بسم الله الرحمن الرحيم
الآن على شاشة الكمبيوتر ولأول مره على مستوى العالم
الكتاب الذي يعد الوحيد من نوعه في العالم
والكتاب الذي غير حياة الآخرين 129درجه
كتاب
مبادئ تعلم المراجل (101 رجل)

هل تعرضت لتهزيئ من أبوك في يوم من الأيام؟
هل إنسطرت كفا أمام المشاهدين من الرجال في المجلس بسبب عدم صبك للفنجان مثل الأوادم
هل دخل عليك أبوك بالعزيمة ولقاك متكي داخل ومسح فيك الأرض؟
هل انصفقت كفا أمام أخوياك وتشعر أن المراجل طاحت؟
هل تلاحظ ان فلان زقرت ولديه أصدقاء وشعبية أكثر منك وأنت ما عندك احد
لا عليك إذا كنت كذلك فإن هذا الكتاب لك ليساعدك على تعلم المراجل خلال اسبوع
كتاب
مبادئ المراجل
الفهرس :
................................................. ...........................1. إهــداء
................................................. ............................2 المقدمة
................................................. ...........................3. الفصل الاول : (الوضع العادي (
................................................. ............................9 الفصل الثاني : (العزايم والضيوف)
................................................ ..........................16. الفصل الثالث : (طلعات البر والمزارع)
................................................ ..........................25. الفصل الرابع: (إذا جيت تفر بشارع السيدين) او التحليه في الرياض ونحوه
................................................ ..........................31. الفصل الخامس : (السوق والترقيم فن واصول)
................................................ ..........................39. الفصل السادس: (خطوات الاحتراف في العزايم)
................................................ ..........................55. الفصل السابع : (اختبار مهارات رجاليه )
................................................ ...........................65 ختامية
إهداء :
اهدي هذا الكتاب لوغدان الحارة وإلى كل شخص تمنى يوم من الأيام انه ينقال عنه (أنت رجل ) واهديه إلى مراجل الحارة والزقرتاويه الذين ساعدونا لنروح معهم (وطي) وين ما را حوا واهديه إلى كل شخص صفقه ابوه كف امام الرجاجيل يوم مسك الدله باليمين واهديه إلى شباب اللجنه بالجامعه وإلى عميد الكلية ونحوه وإلى كل إنسان على هالكوره الأرضية .
الكاتب
المقدمة :
للكاتب القدير بروفيسور( طارق ملفي ) احد اكبر خبراء كل شئ بالعالم وله اصدارات عديده ومؤلفات وبرامج الخ
وبالتعاون مع اكبر عيال زقرت بالحارة
وبمساعدة من الشيخ عبدالعزيز أبو سمره في بعض الأمور الحونشيه و العسكريه الأمنيه الفاصله
وحضي هذا الكتاب اعتماد كبير زقرت عيال السمارة (عبدالرحمن خليفة الزقرت منتصر ) الرجل الاول في عالم المراجل الذي حضي بشعبية واسعه وتسبب في رفع اسهم شركة جنرال موترز بعد شرائة للومينا واعلان افلاس شركة تويوتا بعد توقف مبيعات الكامري
وكذلك شارك في اعداده اكبر عقول متحجرة من شياب الربع وتم اعتماده من قبل كبار شيبان الحارة ( لامانع من نشر هالكتاب يومنا شفنا فيه الصدز <<<< (الصدق) واهم شي وانا ابوكم اتركوا عنكم سوالف البزران ) وسنتطرق بعده محاور وهي (اللبس , طريقة المشي والكلام, الوضع العام , السيارة القترحه,طريقه الشرب او التقهوي ,إذا رغبت بطرح سالفه , إذا جيت تسري ) واعتبر هذا الكتاب منهج اهل العلم ويدرس في اكبر الجامعات في الشرق الاوسط وقد حصل على جائزة هيئة المواصفات والمقاييس للنزعة المركزية ومنظمة حقوق الإنسان والايزو9002العالمية

: الفصل الأول: الباب الأول:الشباك الأول : (الوضع العام)
أول ما تتعلمه في عالم المراجل والزقرتاويه هو اللبس يعني الثوب والشماغ وطرق وضعيات العقال ونوعيات الشمغ التي ينصح بها والكمال في التكميلات والغتره والبشت* (للمراحل المتقدمة)
المرحلة الأولى هو الثوب:
أولا: الثياب والبس / واحد ثوب وشماغ وترنق* (للرياضيين فقط)، وتتعدد على تعدد المراحل والمناسبات
ويجب عليك تغيير اسلوبك وابدأ (بالدخان) فإن المدخن يخفف زحمه بالدنيا ويترك مجال لغيره يعيش, وطبعا الثياب أنواع فيه المزخرف والمخطط وهذا موضة جديدة وفي اللامع وفي القطني, يعني سنخوض في تفصيلها في المراحل المتقدمة من هذا الكتاب .
التدخين وفوائده/ أنت ميت ميت ليش ماتدخن؟ وتطق السيكارة والشيشه*(للمراحل المتقدمه), وهنا يكتمل مظهرك كرجل!! ومن فوائده أيضا يساعدك على الموت سريعا وهو احد أفضل عوامل الدخل القومي من حيث انه لاقدر الله لو تركت الدخان ما كان في شي اسمه مستشفيات ودكاترة صدر وحانوتي وجمعيات خيريه ومحلات بيع دخان يعني مهما كان التدخين مفيد جدا وحبذا لو صار حشيش علشان نحوس أبوها بعد ولفوائد التدخين باب كامل وكتاب كامل يمكن الرجوع إليه كمنهج تخصص ( مدخن) في المستوى السابع.
شعراتك / انتبه تروح للحلاق بعد قراءتك للكتاب يجب على شعرك أن يصبح (شوشه) وطويل ومن هالحركات علشان ياستااار تصير شي, وتوفر 78ريال شهريا في دراسة أجراها (محمد صلفوق )واحد من عيال الحارة .
سيارتك / انتبه نوعية السيارة تحدد شخصيتك إذا أنت شباب وراعي دلقمة ومهايط كالعادة لومينا, إذا أنت شباب راعي تفحيط وهجوله: كامري, إذا انت شباب راعي يعنني وشايف نفسك وياي: مكسيما, مسوي شخصيه ورسمي ونحوه من هالأمور: حدك كابرس اس اس جديد ولا بي أم , عربجي وصوتك تقول بس ناشب بالحنجرة: هايلكس غمارتين أو سبور غمارة انت وذوقك عاد , مهرب: جمس عبارتين والعتم التعديل من قبل الادارهه وشراع راعي بر جيب أبو شنب او شاص للي يهايطون عندنا بالجامعه مسوين راعين بران وابو صفيره الخ, مسوي ولد شيوخ وثقل لاندكروزر (للحالات المتقدمة فقط ( .
غرفة نومك / احذر وانتبه من أن تكون غرفتك مرتبه مايصير هالكلام ابد خلها محيوسه وفاين يمين ويسار وبس ميت وصحن كبسه صارله إسبوع عند التلفزيون ولا تحط كتب وكمبيوتر مسوي مثقف حط فيديو خلك من الجيل الأول, ودايم سو لنفسك أسرار, قفلها ويجب ان لا تخلوا من الممنوعات مثل (قضوم وأفلام وحشيش ) حتى تشعر بأهميتك كداشر بالمجتمع والي يدخل غرفتك اصفقه كف وإذا ابوك او امك قل معليش خصوصيات ما اسمح لأحد مع إحترامي يتدخل في خصوصياتي رجاء لحد يدخل.
طريقة كلامك / أهم شي لا تصير محترم , يعني إذا شفت هندي على طول سبه وامسح فيه الأرض, أما إذا شفت عربجي زيك أعطه احتراما !! وأنتبه تكلم من هم اصغر منك عمرا سمهم (ورعان أو مستجدين ) إلي يريحك وإذا كنت بالجامعة ناديه يااااا مستجد ) أحس إنها مسبة ) وبعدين إذا كنت برى وشفت ولد اصغر منك وانت بالسيارة ودك يشريلك دخان ومتعاجز تنزل أنت ناديه: ياورع تعال ياال****, وعندما يقترب قل لربعك الي راكبين معك بالسيارة: وش تشربون ؟ وخله يروح للبقاله ويجيب لكم طلباتكم وانت جالس مرتاح تمزمز بهالسكاره ومشغل عزازي وقاعد بسيارتك ,ودائما قم بتزيين كلامك بالمسبات كلما زادت مشينه صرت افضل واقوى في عيون المجتمع!!!.
إذا رغبت في طرح سالفة / كل ما عليك فعله هو إسكات إلي ماسك المايك ومبادرته بقولك (مني قاطعن كلامك بس أبي أقولكم اليوم ..........الخ ) رأيتم كيف هي سهلة ؟
واجعل سوالفك دائما مثيره وكل اهتماماتك تصفيق فلان , فلان بياع , جبت قضوم , انحشت من الدوريات , مسكوني تفتيش الخ و حاليا توجه اغلب الشباب إلى الإفتاء في الدين والدخول في عالم السياسه يعني سولف بهالأمور ولو جاك احد سألك عن حكم السباحه في رمضان تقول حرام بس اجازه ابو فلان يعني بكل شي تفتي.

حلمك في الحياة / اجعل أحلامك وطموحاتك هي :
جيب أبو شنب أو جمس عبارتين
بر اربع وعشرين ساعه
سهرات وبلوت
سجن )التقاعد المبكر ( *
اترك عنك سوالف الطموحين هذولي الي ماخذين دورات تدريبيه تراهم شفهم يطامرون ولا حصلو شي خلك إنسان ماشي سيده فاضي ماعندك أي طمووح مريح مخك من سوالف نصر الأمه ورفعتها والتطور والإزدهار والوظايف الخ.
وهنا نختصر هذه الأمور وذلك ببطاقة وصف المراجل :
العرابجه وحقين المراجل وحقين البران :
الثياب واللبس /اغلبها ملونه وخشنه ورافعين الكم والشماغ عراقي او متخذينه لطمة والعقال يفضل مايل *(جهة اليمين للحضر واليسار للروله) واعوج وكبير مرعز (المرعز أي الخشن الي مايزحلق من الراس)، ونعول نوعية قصيمي ممسوحة الأرضية مستعملة سنتين على الأقل .
التدخين وفوائده/ ينصح بمالبورو احمر وشيشة جراك وحشيش* (في المراحل المتقدمة قبل التقاعد).
شعراتك /شوشه, وحبذا لو كان هناك مزرعة قمل لتخفف الصداع ولا ننسى عدم قص الشعر لأي سبب من الأسباب حتى لو اضطريت وحجيت قله يشل أربع شعرات وبس يكفي .
سيارتك /جيب أبو شنب صفيره أو جمس حوض عبارتين أو جيب مصندق للي عنده عيله وربع للي مسوي راعي بر ويلبق برصفان الجامعه دايم .
جوالك/ كل سنه تتغير هالأمور وتتطور بس كالعاده إذا إنت عربجي وفكرت بالجوال اصلا لعه يكون كبييير وقديم علشان التراث وماينقال عنك خكري ونحوه.
نوعية الأغاني المسموعة / كسرات وقصايد محششين وعزازي الخ
غرفة نومك / حاول ما تنام وإن اضطررت ونمت فحبذا لو نمت إما في البر أو في المقاهي أو بالسيارة و أنسى أن لك بيت وعائلة .
طريقة كلامك / مسوي معصب وتسب كل من هب ودب واقل منك عمرا وقوه واكبر منك سنا بفارق عشرين سنه على الأقل طمعان بالبساس يعني إنتبه ترحم الحيوانات فا تصير ماش بعدين منت قوي الخ .
اهتماماتهم/ بر وتطعيس وبلوت وصيد ضبان وجرابيع وقمري ولا يفارق خرازته(أي السلاح) والربع بجيبه والبلوت تعللته وسهرته والبر حياته الأبديه وزوجته واهله هواياته التي لايمارسها إلا عن قولة.

أحلامهم وطموحاتهم /سبق ذكرها سابقا
الزقرتاويه :
هذولي تجدهم غالبا يفرون على السيدين (أو التحليه والثمامه بالرياض), ويشتهرون بسدح المرتبه للخلف, ومسوين فري وراعيين طواقي سبور نادرا مايلبسون الشمغ ، وسياراتهم مظللة والمسجل صاقع وحقين طلعات عمان وسوريا, ولد الشيوخ فيهم لبنان ,
الثياب واللبس / الثوب إن وجد يكون لماع ومخصّر غالبا واغلب ثيابهم ترنقات وجنز وحركات, والذوق فيهم إلي طاق التي شيرت احمر .
التدخين وفوائده/ يدخنون حاجات مثل كلرتون ومن هالسوالف الي يجيك ويقولك (خفيف ) عارفين موالهم ويرتاد المقاهي من شان (معسل تفاح او بردقان ) ويشرب ديو او مرندا تفاح) .
شعراتك/يختلفون في إلي مسوي كبوريا والي مسوي تواليت ومنهم من مطلع شعرات من ورا تقول الزير سالم على ظفيرة كذا .
سيارتك/ لومينا في الغالب . كامري , مكسيما , ولد الشيوخ فيهم معاه كابرس اس اس وطايحين بالجموس هالأيام ,
جوالك / لازم ابو كاميرا يعني جوال مابه بلوتوث وكاميرا مايعترف فيه ابد والجيل الثالث* (للمراحل المتقدمة)
نوعية الاغاني المسموعه / اه ونص وانا داري كدا وخالد عبد الرحمن واجنبي (باسكرت بويز وإيفنسس) الخ
غرفة نومك / ببيت اهله!! ودائما ماتلقى فيها صورة بنات وسبعه وعشرين علبة عطر ومراية ومقفل غرفته غالبا وبها كمبيوتر وماسنجر وشات ومايك وكاميرا إنترنت الخ ,.
طريقة كلامك / كلامهم يعرف بالدلقمة الزايده والمهااااايط يعني (فلان اليوم صك جلنط وفلان طلع بنت فلان للقمر وتمشوا ورجعوا وفلان رقم 12742 بنت بيوم واحد ) يعني غني عن التعريف

طريقة الترقيم/ بلوتوث الفئة المستدفة / بنات

اهتماماتهم / ترقيم اكبر قدر وعدد ممكن من البنات وكسب أكثر عدد من الأصدقاء واغاضة اكبر عدد من العرابجه وصرف اكبر كمية بنزين على التفرفر بالسيدين والفائز فيهم الي يطبق 999999999كيلو متر ويرجع للصفر من جديد .
أحلامهم وطموحاتهم /تجنيط سيارتهم وتظليلها كاتم وحلمهم الحصول على عدم تعرض من حدا الأمراء والحصول على رقم مميز إما للوحه او السياره او الجوال وحتى شهادة الوفاة وتحقيق اهتماماتهم .
طلاب الجامعة والمسوين دوافير والمثقفين إلي ماحولهم احد :
يعرف هؤلاء بالفلسفة الزايده وراعين انترنت وسهراتهم يوم الثلاثاء يجتمعون بالمخيم او الإستراحه ويوم الإربعاء بالعاده مسافرين سبحان الله , و سيماهم في وجووهم تعرفهم من نظاراتهم وكثرة الدفاتر بسيارتهم, وينقسمون لعدة أقسام تجدها في كتاب كامل مستقل تم سبحه من الأسواق لخلل فني في الكتاب (ايه هين, سحبوه لأنه ما يصلح للنشر )
الثياب والبس /ثوب عادي وشماغ للسني, وبدون شماغ للشيعي وطاقية للمشكوك في توجهاتهم الدينية خخخخخ
التدخين وفوائده /مايدخنون بحجة8 انه حرام ويسبب أمراض وبحجه إنهم فاهمين له, والي يدخن منهم يصنف للفئة السابقه .
شعراتك /اتواليت كالعادة الحلاق بالنسبه لهم مشوااار ومهم فاضين له.
سيارتك / لا يوجد شئ محدد اغلبهم ابيكا للاقتصاديين وكابرس للي ظروفهم ماش وتختلف السيارات بأختلاف الفئات والتوجهات الدينية كالكامري والاكورد للمطاوعه والبي إم لعيال الشيوخ الخ .
جوالك / إلا يتفلسفون بالجوال ماعندهم شي إسمه جوال عادي لازم جوال تقول كمبيوتر وبلشه ومواعيد ومدري ايش.
نوعية الاغاني المسموعه/ ( اغنية لو كان عندي فلوس او محادثة انجليزي او كيف تنال ماجستير ادارة الاعمال.

غرفة نومك /مسوين كتب ومذكرات وكمبيوتر وأوراق مسوين دوافير يعني .
طريقة كلامك /تعرفهم بكلمات مثل ( استراتيجيه ,اتخاذ قرار , كومنيكيشن , قاعة , عندك محاضرة اليوم , حامل , الودود الولود , كافتيريا مايقولون مقصف او مطعم وقاعة مايقولون فصل ومحاضرة مايقولون حصة ودكتور مايقولون إستاد تعرفهم من كلامهم سبحان الله ..
اهتماماتهم/ وظيفة , شهادة , حاسب آلي , لغة انجليزية دورات اطلق قدراتك والتفوق ودوره الطقطه الخ والفاهم منهم (النابغه) تجارة هذا الي عنده طموح يعني.

احلامهم وطموحاتهم /تختلف من شخص لشخص ويجتمعون في وظيفه وبس .
المطاوعه:!!
هؤلاء يتنوعون على حسب البطاقات مثال: عربجي بس مطوع، زقرت بس مطوع، جامعي مطوع امثال الشباب أخويانا حقين اللجان. وبما إني اخوياي اغلبهم مطاوعه فأنا أمون عليهم يعني لا تقعد تتفلسف وتقول إني اسب المطاوعة وبكرا اشوف الأمه يدعون علي المهم المطاوعه عدة انواع:
مطاوعه بشكل مو طبيعي
مطاوعه بشكل متوسط
مطاوعه نص كم
(* المطاوعه هم الشباب الي التزمو وليسو طلبه العلم والمشايخ الخ)
وأحلى مطاوعه اخوياي j

الثياب والبس / يتراوح مابين لبس عقال وعدم اللبس، الثياب تتراوح من فوق الكعب إلى ابد على الحفه مع الكعب على حسب الدرجات والنوع ونحوه.

التدخين وفوائده / نوعيه تدخن وإذا قلت له وشلون تدخن وإنت مطوع هنا فكة معه الأخلاق وضاقت الدنيا وزعل عليك وقال بالأخير مالك دخل والغالب لايدخن!! يعني الله يهديهم بس مسوين زحمه هذولي الله معطيهم الصحه يعني نبلش بأعمارنا مسوين زحمه بهالدنيا . وتجد المسواك مكان السكاره دائم وأبدا,.

شعراتك / اهم شي مافي قزع, وبعض الأنواع مطولين شعورهم حيل ولكل وجهة نظر.
سيارتك / كامري كما هي العاده والجيب للي حقين الطلعات وهناك بعض التوجهات الحديثه للأكورد ونحوها.

جوالك / يتميزون بالنغمات يعني سالفه موسيقى وفيفي عبدو مانسمعها ولله الحمد وبعضهم عليه اناشيد نغمات ما ادري وش تبي بس لكل وجهة نظر.

نوعية الاغاني المسموعه / سنخوض معاركنا معهم وفرشي التراب للي فري منهم والحزين كل اناشيده حزينه والثوري اناشيده ابد كلها حماس وعلى حسب التوجهات والهوايات.

غرفة نومك / . دهن عود ومسك وكتاب قرآن قبل النوم وطاوله للقرائه مع لمبه ومجلدات فقهيه وكتاب إبن القيم وإبن تيميه وفقه السنه والشغاله ماتدخل غرفته وبخور وكل الأمور متسنعه.
طريقة كلامهم/ كلها يا اخوان، جزاك الله خير، وإذا سبك قال الله يهديك ، وسوالفهم زينه وبالليل تبدا السوالف الي مدري وش تبي مثل سالفه عباس والمكنسه ونحوه.
اهتماماتهم / قناة المجد ، طلعات والمخيمات، والكوره!! والأخبار وأعمال الخير والتطوع الخ.

احلامهم وطموحاتهم / تحرير فلسطين والحين العراق بعد، وتختلف على حسب التوجهات والنوع فهناك سقف ولمت للأحلام يعني على حسب،

وشكر خاص للشباب الأخوان الي سمحولي اسوي بطاقه المطاوعه وعذرا للخطأ..

الآن انتهينا من الوضع العام وكل ما عليك هو اختيار قالب والانضمام إليه

(لمزيد من القوالب الشبابية الشخصية اتصل بأقرب موزع شبابي في حارتك)
= = = = = = = = = = = = = = = === = = = = == = = === == == == ==
: الفصل الثاني : الباب الثاني : الشباك الثاني :
العزايم والضيوف :
هذه من المراحل المهمة وهي تعتبر اختبار للرجوله وتحدي ومغامرة لن تنساها في حال تعرضت لكف من ابوك قدام (الرجاجيل )
إذا كنت ضيفا :
كل ماعليك هو المشي ورا ابوك وسلم على الي يسلم عليهم والي يشطفهم معه لا تعطيهم وجه علشان ماتتوهق واجلس بطرف المجلس وسو معتم التعديل من قبل الاداره ولا تقلط بأول قلطه وإذا صبلك شايب القهوه قله بعرسك (امزح ترا تتوهق ) قله عشت وإذا رد عليك تعيش قل له (عاشت ايامك) أحفظ هذه الجمل المدرجة في آخر الفصل ..

أما إذا كنت أنت المعتم التعديل من قبل الاداره أعانك الله, فأعلم انك اليوم مجاهد في سبيل الله
(استعد قبل العشاء (وقت المغرب وذلك بالتأمل في غرفتك, وصلاة ركعتين, ودعاء وسو شريط زي إلي يطلون دايم في الجزيرة لأنك مقبل على عمل خطير وفدائي, حط ربطه على الجبه وأمسك الترمس والفنجان وسجل الشريط وحط وراك شعار (نسأل الله الثبات) حتى تستعد للعزيمه.

أول من يجيك من المعازيم كالعادة يكون شايب.وغالبا جدك ونحوه.
وكالعادة إما راعي قهوة وبس أو شاي وبس و الله يعينك على فهم سوالفه مراح تفهم شي أبدا
أي شي يقولك قله (صح ) نعم وراح تسمع كلمات مثل ( ياملعون الوالدين ) باللغة الشيبانية وهو كذا يختبرك وإذا رديت بنعم عرف ان ماعندك سالفة وياويلك عاد يعني حاول تركز معه للتركات حقاته.


الآن وظعية صب القهوة
هي نفس وظعية الاستعداد في الكاتا الأولى في الكراتية وعندما تهم في صب الفنجان قدم الرجل اليمنى وارجع رجلك اليسرى للخلف مع انحناء اليمنى للأمام وصب الفنجان ويجب عليك للأهمية خبط الفنجان بالدلة ليصدر صوتا وإلا فتراك ستصبح فاشلا
والفنجان يجب أن يكون بيدك اليمين والدله باليسار(* إنتبه!! لو مسكت الدله باليمين وجاك كف والله غير تعرف إن الله حق فا نصحتكم من اولها لاتنتظر الكف علشان تتعلم)
أما الشاي فله وضعيتان:
الأولى قريبه للقهوى فهي تمسك الكاسات الفاضيه باليمين والإبريق باليسار وتدور على هالمجلس.
إما الثانية فهي صب الشاي لمجموعه من الكاسات وتمريرهم على الرجال بواسطة الصينية وهي اسهل طريقه ولكن لها مخاطر مثل إنقلاب الصينية على حضن احد الرجال وهنا كارثه بحق.

انتبه تجلس أو ترتاح فسترى عيون الوالد وهو يرسل لك إشارات وعلامات وأوامر قد لاتفهم منها سوى ( والله لأربيك يا ل**** ) لكن تقبلها واحتسب الأجر واقرا كتالوج الوالد فستجد فيه تعريف للإشارات مثلا لو بحر للأعلى (أي نظر للأعلا مرتين متتاليتين مع تحريك الحاجب للأعلى ) هنا يقولك قم لاتجلس،
وعندما تتحرك العين بإتجاه احد الرجال فأنظر له إما إن الفنجان فاضي فأعد صب القهوة أو كاسة الشاي فاضيه فصب شاهي له على حسب وفي حالة نظره للأسفل برفق مع إيامئه بالرأس فهي علامة رضا فأستمر بما انت عليه وهكذا وسنوزع كتالوج إسمه (لغة مورس الرويلي للمراجل بإستخدام العين) .

في حالات الطوارئ مثل انكب فنجان قهوة أو شاي :
حاول استدراك الموقف وهذا يبغالة كتاب كامل عن حالات الطوارئ في العزيام والاستنفار العام !!
نصيحة / علشان تريح أبوك ويكون مبسوط بالعزيمه سوي حالة استنفار صورية(وهمية ) يعني إذا هو بالمجلس خل شغلتك مار من قدامه من خلف الباب كأنك رايح جاي ومره امسك دله ومره فنجان ومره ابريق ويمكن لأخوانك ان يساعدوك على هذا العمل .
اسئلة واجوبه شائعه: (جمل مهمة يجب تدوينها وحفظها قبل كل عزيمة )
بعرسك = الرد وأنت حاضر
عشت = تعيش = عاشت أيامك
اسلم = الله يسلمك
كيف الحال = الحمد لله
وش أخبارك = والله الحمد لله (لأنه مايصدق من أول مره )
كيف أيامك = نفس الإجابة السابقة غير تحلف وتقول والله الحمد لله.
وشلون الأهل = الحمد لله (وهنا على حسب إذا هو خابر عندكم بنات بيتلصق ويكثر من وشلون الأهل ويضيف: والخوات ؟ والبنات الخ ..عارفين هالحركات فإنت اختصرها وقله انت وش اخبارك وشلون الأهل أي مبادرته بالأسئلة فيسكت عنك وهكذا)


= = = = == = = = = == = = = == = = = == = = = == = = = == = = = == = = = ==
: الفصل الثالث : الباب الثالث : الشباك الثالث :
(طلعات البر(
وعند البر عليك عزيزي ان تلبس ثوب اسود او ترابي على حسب مزاجك البري في تلك اللحظة وننصح باتخاذ احد العرابجه البراويه مثال لك تتقلده في أمورك
وبالنسبة للبر انتبه أن تشرب بكاسه تراها عيب عند العرابجه اشرب (بزدح) وشو؟ الله يعينك دورة تلقاه بكتاب راح أسويه جديد اسمه (القاموس السعودي السعودي)
وبالنسبة للبر انتبه تحط عطر إذا لاحظت ريحتك زينه لا قدر الله رح مرغ نفسك بالتراب وبالرماد ولطخ لبسك بمعسل ولع بنفسك نار لين تصير فحم وجمر وحطب .
وخلك دايم حول النار وراعي سوالف خطيره وعربجية وتمتع بالبر .
======== =========== ==============

( عزيزي الفاضي إن البر من أصعب الأجزاء في هذا الكتاب يمكنك الرجوع لمذكرة:

(أسرار البران وكيف تطلع الفقع بدون سكروب ) للدكتور خالد(د)
(د) يعني ( داري السلام عليكم )

وبما اننا بموسم الربيع وطلعات البر بتكثر فإنه سيتم الشرح عن البر:
عرف البر:
نظري: هو المكان الذي به تراب وماء بالجراكن وحطب وسكروب وسيارة وخيمة وفاين .
تطبيقي: هو المكان الذي ماندري ليش نروح له مع خلوه من كل وسائل الترفيه الحديثه واشكال الحضارة ومع ذلك ماسكه نطلع له.

انوع البر:
بر بعيييد
بر اهل الرياض
بر تمسيكات

البر البعيييد هو الي طالعين للبر هي نيتهم هذولي جد تلقاهم يضربون مشاوير لين ياصلون المكان الي به تراب وحصى وبرسيم وربيع مدري ايش

بر اهل الرياض هو يوم يقرر الواحد يطلع بر بالرياض فهو يروح للثمامه وينزل للردميه ويسفط وينزل العتم التعديل من قبل الادارهه ويسوي شاهي وعياله يركبون دبابات إيجار وحاط الرواق هو وام عياله .

بر التمسيكات هذا مثلا مسكت مع احد طلاب الجامعه يفطر بالبر الصبح ويواعد خويه بعد صلاة الفجر مباشرة ومايجي إلا يوم تطلع الشمس ويروحون البر بوقت كله غبار وهوا ويسوون شاي بالقوه ويفطرون بالقوه ويرجعون.

هذا والله اعلم ..


الفصل الرابع: (إذا جيت تفر بشارع السيدين ) او التحليه والثمامه في الرياض:
تعريف : إن الفر هو التمشي بالسيارة من باب الفضاوه وعدم وجود مشغله او لوجود إختبارات ولأن البنزين نزل هالأيام فسيكثر الفر ومن أسباب الفر الرغبه في القزقزه والمفاخرة امام افراد المجتمع والفضاوه وحب التمشي والدوخه.

الفوائد : التفحيط والموت وتخفيف الزحمه من الكرة الأرضيه.
انواع الفر:
الفر من أجل الشباب المهايطيه.
الفر من اجل البنات (التحليه ونحوه)
الفر من اجل الورع ( المتوسطات وحول الثانويات)
العوامل المساعده على التفرفر:
1- رخص اسعار البنزين.
2- الإختبارات.
3- عدم وجود مشغله (يعني فضاوه)
4- وجود حلوين وحلوات ونحوهم.
5- الأمن القومي.




(السوق والترقيم فن واصول)
إن الترقيم في الأسواق هو منهج اهل الترقيم والتصفير وهو من العادات والتقاليد القديمه التي مازال التراث يحافظ عليها فقد روى عن ابوالشباب أن الزير سالم في كان يرقم بنات بني عكرمه وكان الترقيم اول (بأن يناظر لها ويبتسم ويأشر بعينه إلى بيته او دكانه ومن هنا تعرف الفتاة عنوان الشاب).

إن الترقيم فن وله كتب وبحوث ودراسات ومن فوائده:
دخول النار من اللعب بأعراض الناس وتخفيف الزحمه عن المسلمين في الجنه.
إن السالفه (دين) بفتح الداء يعني ترقم بنات الناس ،الناس ترقم بناتك صارت ميانه السالفه .
اول لما ينقال ترضاها على اختك الواحد يزعل الحين صارت عادي يرضاها ولا ماكان رقم.
إن الترقيم فن واصول وله اساليب وإحتراف ودورات تدريبيه في فن الترقيم , ودوره كيف ترقم 100 في ساعه واحده ودوره 80/20 أي ترقم 80 وحده لتشبك مع 20 وحده !! والترقيم العشوائي واستراتيجيات الترقيم كلها امور داخله في علم الترقيم ونحوه.
اماكن الترقيم:
الأسواق النسائيه
عند الإشارات
التحليه ونحوها
عند المشاغل النسائية
عند الثانويات وجامعات البنات
الإنترنت والمنتديات
وعن طريق يبي ينصحها!!



(خطوات الاحتراف في العزايم)
في هذا الفصل سيتم سرد وضعيات إحترافيه في المراجل ونقاط يجب في تخصص تقهوي وتمرجل بالمجالس:

أولا استراتيجيات العزايم:
خطة يوم واحد :
هذا في حالة ابوك قال ترا عندنا عشاء بعد بكرى ، تقوم هنا بوضع خطه تكتيكيه تشمل التنسيق مع الشغالات والسواق وأمك وراعي المطعم الي بيجيب العشا واخوياك وتعقد جلسه مبدئية لتحديد الصلاحيات والمهام.
ثم تبدا بعرض القضيه وهي :
عشاء ،
تبدا بجمع المعلومات :
عدد المعزومين ، ضيوف اول مره ولا حقين كل مره، انواعهم بحسب الفئات العمريه، تخصصاتهم ووظايفهم. الخ.
اولا تبدا بالمجلس:
جهز التلفزيون قناة الجزيرة إذا كانت الدعوه شيبان ثوريين ، قناة العربية إذا المسألة بها امن دوله وامور زي كذا ، قناة الخليجيه إذا الدعوه والعياذ بالله ، قناة المجد إذا الدعوة مطاوعه ، طف التلفزيون إذا الدعوه حشيش.

إذا كان في مدخنين وزع الطفايات واكتب من باب الضمير والدين ممنوع التدخين واجدعها تحت الطفايه.

جهز البخور عند الباب وتأكد من الي حطيته فحم مهو ديناميت ترا في واحد حط ديناميت وشبت بلحية احد المعازيم إنتبه .

قم بتجهيز المغاسل بوضع صابونه لكل مغسلة وعلب فاين وعطر ابو خمسه علشان حقين التغسيل .

ابدا بواجهة الباب خل السواق ينظف المدخل ويجهزة للمعازيم ،
اشطف الحوش ،

صفط سيارتك عند باب الحريم ( ما ادري وش المغزى بس احس صارت عاده لا إراديه)
جهز الثوب والشماغ وثوب الإحتياط ونحوه.

الأن شغل كمرة الفيديو وحط ربطه بالجبهه (كتائب عزيمة الرجال) وامسك دله واتل كلماتك امام الكاميرا وبعدها شف نفسك كيف تشعر بقوه وجهاد وإنك مقدم على امر مهو سهل.

خطة الأيام المتعددة : (درس خصوصي)
خطة الأعياد والمناسبات: ( درس خصوصي)
خطة الطوارئ: (درس خصوصي)
خطة الضيوف ثقيلين الدم: (درس خصوصي)
(خطة تبي تنكب ابوك إذا بغى يعرس على امك : مجانا )


اخطاء يجب الحذر منها:
1- اهم شي اهم شي إنك إنتبه إنتبه إنتبه تمسك الدله باليمييييين إنتبه حذرتك أنا.
2- ابدا باليمين وإذا في كبير إبدا من عنده وإنتبه ترتبك ولاحظ إشارات الوالد وخلك متابع معه.
3- لا تقعد وفي رجل ماسك فنجان قهوه
4- لاتعطي ظهرك للرجال.
5- إنته تحك خشمك بالدله.



إنتهى:

(اختبار مهارات رجاليه )
اسئلة:
تخيل إنك في مجلس وبه ثلاثه شيبان واحد لايشرب القهوه وإثنان يشربان القهوه وأحدهما لايشرب الشاهي بسكر وبالمجلس اربعه رجال شخص من حقين سهرة اباك وآخر يعمل مع اباك في الدوام وشخص يقرب لكم ومعه ولده وولده جالس يمين عندما اول ماتدخل المجلس ومن جنبه احد الشيبان الذين لايشربون القهوه والتلفزيون حاطه على قناة الجزيرة وأحد الشيبان متضايق لإنه بنظره الجزيرة تسب السعوديه وإثنين من الشيبان ثوريين يحبون الجزيرة وفي مطوع جالس بالزوايه يتقهوى واحد الشباب الدعثه قال لك حط على الخليجيه وأباك يرسل لك إشارة بعينيه إلى الشايب الي مايشرب قهوه ،
جاوب عن الأسئلة التالية:
من اين تبدا التقهوي من اليمين ولا من عند الشياب؟؟

كم عدد الشيبان الي يشربون شاهي بسكر ؟؟

كم عدد الرجال ؟؟

ماهي القناة المناسبة لهذه الحالة؟؟

متى ستقدم العشاء وأي نوع من العشيات سيتم تقديمه ؟؟


ماهي مكونات العزيمه من ، شاي وقهوه الخ؟؟


مانوع هذه االعزيمه ؟؟( مناسبات ، يوم واحد ، ضيف جاي اول مره ،)


ضع علامة صح او خطأ:
- المغازل من شيم اهل الشيبان والشباب والأطفال.
- يجوز صب القهوة من جهة اليسار.
- شرب الماء بالبر من الكاسة الزجاج.
- اغاني الكسرات من الأغاني التي يستمع إليها شباب الزقرت.
- الفقع هو نبته تنبت في البر بالثمامه .
- الدلة تمسك باليد اليسار والفنجان باليمين.
- القضوم هي نوع من المكسرات يتم تقديمها مع البزر.
- 80/20 هو أن ترقم عشرين بنت فتتصل عليك 80 بنت.
- سنخوض معاركنا معهم هي من الصوتيات المفضله لدى الطلاب الجامعيين.
- من مؤلفات طارق ملفي (كتاب لماذا يكرهوننا ) وهي يحكي الصراع بين الحظر والبدو في زمن الثقافات.
- عندما ترغب في طرح سالفه سترفع يدك حتى يأتيك الدور.
- عندما تجلس في الإستراحه مع شباب اللجنه وتبي توزع حلا تقوم بإعطائه بأقرب شخص عندك وتقول مشه.




معاني الكلمات بما جاء في معجم )الكامل في المراجل ( :
كداشر : الكاف ضمير تشبيه = زي , مثل ) داشر( وهو الشخص الفاضي الطالع 24ساعه شبيه بي صايع كما جاء في كتاب ) التشبيه (
بزدح : الباء باء جر مبنية على كسر مالها مكان بالاعراب اما )زدح( هو نوع من اكواب الشيبان مثل الصحن ويشرب به الماء واللبن والخ
قضوم : هي مثل البزر والمكسرات عند الناس العادين و القضوم هي حبوب مسهره خخخخخخخ
يبيلها تفسير : يبيلها= يبغالها يعني نسويها او لازم كذا اما تفسير فهو مثل كتاب الفقه بالصف الاول المتوسط بس به معاني كلمات قد خير الله
نهاية الجزء الاول من كتاب (مبادء تعلم المراجل (101رجل ( ونستودعكم الله حتى إصدار الجزء الثاني من سلسلة تعلم كتاب المراجل 102رجل في الفصل الدراسي القادم بأذن الله

مع تحيات رئيس الحاره السيد .. حسن بن علاج الخبعه
بهبهاني
بهبهاني
عضو جديد
عضو جديد

جنسي~~ : ذكر
16
مزاجي: : كيف تكون زاحف Ad5n10
بَلَدْيّ~ *: : كيف تكون زاحف Brazil10
my mms : كيف تكون زاحف Mms-1410

الرجوع الى أعلى الصفحة اذهب الى الأسفل

gdti رد: كيف تكون زاحف

مُساهمة من طرف هيبه الملك الجمعة يوليو 22, 2011 10:49 pm

مشكووووووور ع الموضوع
تقبل مروري
ههههههههه
هيبه الملك
هيبه الملك
عضو مشارك
عضو مشارك

جنسي~~ : ذكر
329
مزاجي: : كيف تكون زاحف 2110
بَلَدْيّ~ *: : كيف تكون زاحف Saudi_10
my mms : كيف تكون زاحف Mms-710

الرجوع الى أعلى الصفحة اذهب الى الأسفل

gdti رد: كيف تكون زاحف

مُساهمة من طرف شموخ انسان السبت يوليو 23, 2011 4:05 pm

ههههههههههههههآآي]

مششكور ع الموضوع الراائع
شموخ انسان
شموخ انسان
الاداره
الاداره

جنسي~~ : ذكر
372
مزاجي: : كيف تكون زاحف 13310
بَلَدْيّ~ *: : كيف تكون زاحف Saudi_10
my mms : كيف تكون زاحف Mms-710
ألاوسمه .|> : كيف تكون زاحف Cp

الرجوع الى أعلى الصفحة اذهب الى الأسفل

gdti رد: كيف تكون زاحف

مُساهمة من طرف هيبه الملك الأحد يوليو 24, 2011 1:23 am

مشكوووووور ع الموضوع يالغالي
تقبل مروري
هيبه الملك
هيبه الملك
عضو مشارك
عضو مشارك

جنسي~~ : ذكر
329
مزاجي: : كيف تكون زاحف 2110
بَلَدْيّ~ *: : كيف تكون زاحف Saudi_10
my mms : كيف تكون زاحف Mms-710

الرجوع الى أعلى الصفحة اذهب الى الأسفل

gdti رد: كيف تكون زاحف

مُساهمة من طرف ما عندي دلع السبت يوليو 30, 2011 7:26 pm

مشكور
ما عندي دلع
ما عندي دلع
عضو نشيط
عضو نشيط

جنسي~~ : ذكر
62
مزاجي: : كيف تكون زاحف A3shq10
بَلَدْيّ~ *: : كيف تكون زاحف Saudi_10
my mms : كيف تكون زاحف Mms-1410

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى